देश राजनीति

सुन्दरहरैँचा नगरपालिकाद्वारा सिँचाइका लागि ५७ किसानलाई विद्युतीय मोटर वितरण

विराटनगर, १० चैत । मोरङको सुन्दरहरैंचा नगरपालिकाले कृषि क्षेत्रमा सिचाई समस्या हुने ५७ जना किसानलाई यस बर्ष बिद्युतीय मोटर बितरण गरेको छ । नगरपालिकाले धान गहुँ, मकै, तोरी, ड्रागन फुड, फलफुल खेती बोयर जातका बोका, पावर ट्रेलर मकै छोडाउने मेसिन स्प्रे मेसिन लगायत अनुदानमा बितरण गर्दै आएको छ ।

आर्थिक समृद्धिसंगै आत्मर्निभर तथा ब्यबसायिक किसान बन्न नगरपालिकाले कृषि समबन्धि तालिम माटो परिक्षण लगायत कार्यक्रम गरेर किसानलाई प्रोत्साहित गर्ने काम गरेको छ ।

सुन्दरहरैंचा बिकासको बगैंचा पर्यटन र पूर्वाधार बिकास क्षेत्रमा अघि बढिरहेको छ । नगरपालिकाले किसानकाहरुलाई अनुदानमा बिद्युत मोटर २ ÷३ को, सेक्सन पाइप, टुवेल, चेक बल्ट बितरण गरेको छ । एक कार्यक्रममा बीच नगरपालिकाका नगरप्रमुख शिव प्रसाद ढकालले किसानहरुलाई बिद्युत मोटर बितरण गरेका हुन् ।

विद्युतीय मोटर बितरण गदै नगरप्रमुख ढकालले आर्थिक बर्ष २०७७/०७८ को अगामी नीति तथा कार्यक्रममा किसानहरुलाई लक्षित गरी कृषि क्षेत्रमा प्रथामिकता राखेर बजेट ल्याएको बताए। नगरपालिकाले कृषिलाई मुख्य प्राथमिकतामा राखेर काम गरिरहेको र कृषिमा देखिने समस्या समाधानका लागि नगरपालिका सदैव तयार रहेको ढकालको भनाई छ ।

वितरण गरिएका मोटरबाट ३८ हेक्टर जमिनलाई सिचाई पुग्ने छ । किसानबाट आएका २१७ वटा निबेदन मध्ये यसपटक ५७ जना किसानलाई वितरण गरिएको नगरपालिकाले जनाएको छ । पल्टिंगको कारण तथा कुलो पैनी र जलाशय क्षेत्र मासिएकोले अझै ५० प्रतिशत किसानमा सिचाई अभाव रहेकोले यस बर्ष १५ लाख बजेट बिधुतिय मोटरका लागि छुट्याएको नगढरपालिकाले जनाएको छ ।

सिचाईको लागि लाग्ने बोरिङ्ग जडान र बिधुत जडान खर्च कृषक आफैले बेहोर्नु पर्ने छ। नगरले कृषि क्षेत्रमा गत वर्षभन्दा २ गुणा बढी बजेट छुट्याएको छ भने यस्ता प्रोत्सानमुखी कार्यक्रमले किसान खुसी देखिएका छन् । नगरपालिकाले उद्दमी युवाका लागि समेत बिभिन्न कार्यक्रम ल्याएको छ ।

Featured