देश

मनमोहन प्राविधिक विश्वविद्यालयमा ‘इन्डस्टेरियल ड्रोन क्यामेरा’

मोरङको बुढीगंगा गाउँपालिका–४ स्थित महमोहन प्राविधिक विश्वविद्यालयमा इन्डस्टेरियल ड्रोन क्यामेरा भित्र्याइएको छ । प्रदेश १ का स्थानीय तह, औद्योगिक र कृषि क्षेत्रका लागि उपयोग रहेको उक्त ड्रोन क्यामेरा अनुसन्धान केन्द्रकोरुपमा समेत स्थापित मनमोहन प्राविधिक विश्वविद्यालयले भित्र्याएको हो ।

हङकङबाट ल्याइएको सो ड्रोन क्यामेराको सफल परिक्षण समेत गरिएको छ । मनमोहन प्राविधिक विश्वविद्यालयका प्रमुख डा. सुवासश्री पोखरेलले करिब २५ लाख रुपैयाँका लागतमा आयात गरिएको सो ड्रोन क्यामेराले जग्गाको थ्रीडि नक्सा चाँडै बनाउन सक्ने बताए ।

उनले जग्गाको ठुलो क्षेत्रफल ड्रोन क्यामेराले खिचेर थ्रीडी सहितको नक्सा केही समय भित्रै बनाउने दावी गरे । ‘अहिलेसम्मको प्रविधिले फिताले नापेर जंगल अथवा ठुलो क्षेत्रफल भएको जग्गाको नक्सा बनाउन महिनौँ दिनसम्म लाग्थ्यो ।’ विश्वविद्यालय प्रम्ख डा. पोखरेलले भने,‘अब यो इन्डस्टेरियल ड्रोन क्यामेराले केही दिन भित्रमै थ्रीडी सहितको नक्सा बनाउछ ।’

विश्वविद्यालय प्रमु्ख डा. पोखरेलले सो ड्रोन क्यामेरा औद्योगिक क्षेत्रका लागिसमेत अतिउपयोगि रहेको जानकारी दिए । त्यस्तै सो ड्रोन क्यामेराले कृषि क्षेत्रमा विषादी छर्न, एक केजी समानसम्म एकठाउँबाट अर्को ठाउँसम्म पुर्याउनका लागिसमेत अत्यन्त उपायोगि रहेको उनले बताए । उनका अनुसार त्यति मात्र नभएर सुरक्षा निगरानीमा पनि सो ड्रोन क्यामेरा प्रयोग गर्न सकिनेछ ।

विश्वविद्यालय प्रमुख डा. पोखरेलले सो ड्रोन क्यामेरा स्थानीय तह, उद्योग प्रतिष्ठान, संघसंस्था, कृषि क्षेत्रसँग सम्बन्धीत सवै निकायले विश्वविद्यालयलाई निश्चीत शुल्क तिरेर प्रयोग गर्न सकिने जानकारी दिए । उक्त इन्डस्टेरियल ड्रोन क्यामेराले पाँच किलो मिटर क्षेत्रसम्म काम गर्न सक्छ भने एक किलोमिटर माथिसम्म उड्ने जनाइएको छ ।

Featured