देश

५०३० नमुना परीक्षण गर्दा ३३६ जनामा कोरोना पुष्टि, २२६ डिस्चार्ज

नेपालमा पछिल्लो २४ घण्टाको अवधिमा थप ३३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा ५ हजार ३० जनाको पीसीआर विधिबाट परीक्षण गर्दा १२२ महिला र २१४ पुरुषमा कोरोना संक्रमण देखिएको हो ।

योसँगै कोरोना संक्रमितको कुल संख्या २ लाख ६८ हजार ६४६ पुगेको छ । संक्रमितमध्ये २ लाख ६२ हजार ८६८ जना निको भएका छन् । आज थप २२६ जना निको भएका छन् ।

आज देशभर ३ हजार ७९९ जना सक्रिय संक्रमित रहेका छन् । सक्रिय संक्रमितमध्ये ८९२ जना संस्थागत आइसोलेसनमा रहेका छन् । १५० जना आईसीयू, ३४ जना भेन्टिलेटरमा रहेको मन्त्रालयले जनाएको छ ।

आज काठमाडौं उपत्यकामा ७३ महिला र १२५ पुरुष गरी १९८ जनामा कोरोना संक्रमण पुष्टि भएको छ । काठमाडौंमा १४६ भक्तपुर १६ र ललितपुरमा ३६ जनामा कोरोना संक्रमण पुष्टि भएको मन्त्रालयले जनाएको छ ।  कोरोना संक्रमणबाट थप चार जनाको निधन भएको मन्त्रालयले पुष्टि गरेको छ । योसँगै कोरोनाबाट ज्यान गुमाउनेको संख्या १ हजार ९७९ पुगेको छ ।

Featured