देश

कोरोनामा दसैं प्रभावः पीसीआर स्वाट्टै घट्यो, नयाँ संक्रमित १७४१

काठमाडौं, १० कात्तिक-कोरोना महामारीका बीच सुरु भएको दसैंका कारण पीसीआर परीक्षण पनि स्वाट्टै घटेको छ । दैनिक १५ हजार हाराहारीमा हुँदै गएको पीसीआर परीक्षण बितेको २४ घण्टामा ५ हजार ६ जनामा सीमित भयो ।

स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा ५ हजार ६ जनाको पीसीआर परीक्षण गर्दा १ हजार ७ सय ४१ जनामा कोरोना भाइरस संक्रमण पुष्टि भएको छ । उपत्यकामा ८ सय ९४ जना संक्रमित भएका छन् । काठमाडौंमा ६ सय ७३, भक्तपुरमा ७६ र ललितपुरमा १ सय ४६ जना संक्रमित भए । नेपालमा अहिलेसम्म १ लाख ५९ हजार ८ सय ३० वटा पोजेटिभ केस भेटिएका छन् ।

मन्त्रालयका अनुसार पछिल्लो २४ घण्टामा ४००५ जना डिस्चार्ज भएका छन् । अहिलेसम्म डिस्चार्ज हुनेको संख्या ११५६७५ रहेको छ ।  संक्रमितमध्ये ७२.४ प्रतिशत निको भएका छन् ।

देशभर पछिल्लो २४ घण्टामा १५ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । कोरोना भाइरसबाट मृत्यु हुनेको संख्या ८६२ पुगेको छ ।

Featured