विदेश

अफगानिस्तानमा हवाई कारबाही, बीस तालिबानको मृत्यु

अफगानिस्तान, एजेन्सी, भदौ ५–अफगानी सेनाले अफगानिस्तानको उत्तरी प्रान्त बाल्खमा गरेको हवाई कारबाहीमा परी कम्तीमा पनि २० तालिबान लडाकुको ज्यान गएको छ।

अफगानिस्तानको हवाई सैन्य बलले सो कारबाही गरेकोे अफगान रक्षा मन्त्रालयले पुष्टि गरेको जानकारी दिइएको छ। त्यस क्षेत्रमा तालिबानको बस्ती रहेको सूचनाका आधारमा ती तालिबानमाथि हमला भएको अधिकारीहरुले जानकारी दिएका छन्।

उक्त क्षेत्रमा रहेको तालिबानहरुको आश्रयस्थलका साथै उनीहरुका अन्य आवश्यक सामग्रीहरु पनि सो कारबाहीका क्रममा नष्ट गरिएको अधिकारीहरुले जानकारी दिएका छन्। अफगानिस्तानका ३४ प्रान्तमध्ये बाल्ख पनि तालिबानहरुको सबैभन्दा धेरै तालिबानहरुको प्रभाव रहेको क्षेत्रमा पर्ने गर्दछ। त्यसैले सो क्षेत्रमा अफगान सेनाले बारम्बार सैन्य कारबाही गर्ने गरेको छ।–सिन्ह्वा

Featured