मनोरंजन

सलमानसँग विहे गर्ने जरिन खानको चाहना

एजेन्सी, भदौ १–चर्चित बलिउड फिल्म वीरबाट बलिउडमा आफ्नो यात्रा सुरु गरेकी अभिनेत्री जरिन खानले आफ्नो सलमान खानसँग विवाह हुन लागेको खुलासा गरेकी छिन् । बम्बे टाइम्सलाई दिएको अन्तरवार्तामा आफ्नो सलमान खानसँग विवाह हुन लागेको खुलासा गरेकी हुन् ।

तर पछि उनले आफू ठट्टा गरिरहेको र यो कुरा हल्लाको रुपमा फैलिओस् भनेर चाहेको स्पष्टिकरण दिइन् । जरिन खानले सलमान खानको फिल्म वीरमार्फत् बलिउडमा डेब्यू गरेकी थिइन्, जुन अहिले पनी सबैले मन पराएको चलचित्र हो ।

त्यसपछि उनले थुप्रै सुपरहिट फिल्म गरिन् तर सबै चर्चामा आउँन सकेनन् । बम्बे टाइम्सले जब उनलाई सलमान खानसँग जोडिएको के हल्ला फैलाउन चाहन्छिन् भनेर प्रश्न गर्यो तब उनले यसको जवाफमा भनिन्, ‘सलमान खानसँग मेरो विवाह हुँदैछ ।’

जरिन खानले उनी सलमान खानसँग हुकअप पनि गर्न चाहेको बताइन् । अन्तरवार्ताकै क्रममा जब उनलाई सलमान खान, करण सिंह ग्रोवर र गौतम रोडेमध्ये कसलाई विवाह गर्न चाहन्छिन्, कसलाई मार्न चाहन्छिन् र कोसँग हुकअप गर्न चाहन्छिन् भनेर सोधियो तब उनले भनिन्, ‘म कसैलाई पनि मार्न चाहन्नँ ।

विवाहमा विश्वास गर्दिनँ किनभने आजको समयको यो मजाक बनेको छ । हुकअपको कुरा गर्ने हो भने सलमान खानमात्रै अविवाहित छन् त्यसैले सलमानसँगै हुकअप गर्न चाहन्छु ।’