विदेश सूचना/ प्रबिधि

इन्टरनेटको लतको कारण दक्षिण कोरियामा डेढ लाख युवामा मानसिक समस्या

काठमाडौं, एजेन्सी, साउन १९-एक अध्ययनका अनुसार दक्षिण कोरियाको इन्टरनेटको स्पीड विश्वको अरु देशकोभन्दा तीव्र गतिको छ। त्यहाँका हरेक व्यक्तिको साथमा स्मार्टफोन रहेको छ र सबै इन्टरनेटसँग जोडिएका छन्। तर, अहिले त्यहाँ इन्टरनेटको लत ठूलो समस्याको रुपमा देखा परेको छ।

यसको लतका कारण युवा मानसिक र शारीरिक रुपमा अस्वस्थ बन्न थालेका छन्। इन्टरनेटको लत छुटाउन अहिले देशभर पुनःस्थापना केन्द्रहरु खोल्न परेको छ । त्यहाँ युवाहरुलाई इन्टरनेटको लत छुटाउन सहयोग गरिन्छ। त्यस्तै विद्यालयमा विशेष कार्यक्रमहरु पनि शुरु गरिएको छ।

पछिल्लो वर्षको आधिकारिक तथ्याङ्कका अनुसार १ लाख ४० हजार युवा इन्टरनेटको लतको चपेटामा छन्। केही रिपोर्टका अनुसार यो संख्या अझ बढी पनि हुन सक्ने बताइएको छ । नेशनल हेल्थ सर्विसले यदि कुनै कुरामा व्यक्तिले नियन्त्रण गर्न सक्दैन भने त्यसलाई लत मानिने उल्लेख गरेको छ।

इन्टरनेटको लतका कारण युवा मानसिक र शारीरिक र मानसिक रुपमा अस्वस्थ बन्न थालेका छन्। उनीहरु स–सानो कुरामा रिसाउने र उत्तेजित हुने गरेका छन्। यसरी व्यक्तिको व्यवहारमा पनि बदलाव देखिने गरेको छ।  इन्टरनेटको लतका कारण उनीहरु सुत्ने र खानेजस्ता जरुरी कार्य पनि टार्न थालेका छन्।

अहिले थुप्रै संख्यामा युवाहरु इन्टरनेटको लत छुटाउन क्याम्पहरुमा जाने गरेका छन्। क्याम्पमा युवाहरुलाई अनलाइनको दुनियाँबाट कसरी दुरी बनाउने भनेर सिकाइन्छ। मुजु शहरमा रहेको क्याम्पमा मात्र सन् २०१४ देखि १२ सय युवा क्याम्पमा लत छुटाउन आइसकेका छन्।

इन्टरनेटको लत लागेका एक युवा भन्छन  ‘मलाई युट्युव हेर्ने नराम्रो लत लागेको थियो । म दैनिक १८ घण्टासम्म युट्युवमा बिताउँथे।’ यसले उनी स–सानो कुराले उत्तेजित हुने र तनावमा रहन थालेका थिए। उनको पढाइ पनि प्रभावित हुन थालेको थियो। त्यसपछि उनले क्याम्पमा भर्ना हुने निधो गरेका थिए।

Featured