देश

सिँचाइको व्यवस्थाले बुहारी भित्र्याउन सहज

कञ्चनपुर, माघ २६–कञ्चनपुरको भीमदत्त नगरपालिका–७ चुरे क्षेत्र नजिक खेतमा सिँचाइको व्यवस्था भएपछि बिहेवारी गर्न सहज भएको छ । सिँचाइ नहुँदा थोरै मात्रै उब्जनी हुन्थ्यो । थोरै अन्नले परिवारको वर्षभरिको साँझ–बिहानको छाक टार्न निकै मुस्किल हुन्थ्यो । घरमा उत्पादित अन्नले छ महिना धान्न नसकेपछि यहाँका अधिकांश बासिन्दा भारतमा मजदुरीमा जान बाध्य थिए । ‘सिँचाइको व्यवस्था नहुँदा बुहारी भित्र्याउन यहाँका बासिन्दालाई सहज थिएन,’ वडाध्यक्ष शंकरसिंह कुवँरले भने, ‘बुहारी खोज्न जाँदा सिँचाइको व्यवस्था भएरनभएको यकिन गर्दथे । अन्न थोरै उत्पादन हुँदा बुहारी पाउन विगतमा निकै अप्ठ्यारो नै थियो ।’

‘खानेपानी टाढाबाट बोकेर ल्याउनु पर्दथ्यो । यही समस्यालाई मध्यजनर गर्दै गाउँपालिकामा निर्वा्चित पछि पहिलो प्राथमिकतामा सिँचाइलाई राख्यौं’ उनले थपे, ‘स्थानीय बासिन्दाका खेतमा हाल सिँचाइ सुविधा पुगेको छ । उनीहरुलाई वर्षभरि खान पुग्ने भएको छ । उत्पादन बढेको छ ।’ खानेपानी र सिँचाइको व्यवस्थाले बुहारी भित्र्याउन विगतको जस्तो स्थानीय बासिन्दाले सास्ती खेप्नुपर्ने अवस्थाको नभएको वडाध्यक्ष कुवँरले बताए । सिँचाइको व्यवस्थाले स्थानीय बासिन्दा व्यावसायिक केराखेती र तरकारी खेती गर्न थालेका छन् । आम्दानी तीन गुणाले बढेको छ । घरमै बसीबसी कमाई गर्न थालेका छन् ।

स्थानीय दानी गिरी सिँचाइ र खानेपानीको अभाव नभएको बताउँछिन् । खेतमा सिँचाइ त परको कुरा हो, विगत सम्झँदै उनले भने, ‘खानेपानीका लागि पनि सास्ती खेप्नु पर्दथ्यो । पहाडबाट तराई झर्दा सुखको अनुभूति गरी आएका थियौं । यहाँ आएपछि निकै कष्ट सह्यौं । हाल जनप्रतिनिधि निर्वा्चित भएर आएपछि खानेपानीसँगै खेतमा सिँचाइको सुविधा पुगेको छ ।’

चुरे क्षेत्र नजिकको बासिन्दा भनेपछि कसैले पनि छोरी दिन मान्दैनथे । ‘हाल सडक, सिँचाइ, खानेपानीको व्यवस्था भएपछि बुहारी ल्याउन विगतको जस्तो छैन उनले भने, ‘नजिकैको चुरे क्षेत्रमा रहेको धार्मिक क्षेत्रमा समेत सडकसहितका पूर्वाधार विकास हुन थालेको छ ।’

महाकाली सिँचाइ आयोजनाले समेत चुरे क्षेत्रका बासिन्दालाई छोएको छैन । आव २०७६र०७७ मा सिँचाइ र खानेपानीको आपूर्तिलाई निरन्तर गर्नका लागि वडा कार्यालयले १०० केभीका दुई ट्रान्सफर्मर जडानसँगै सिँचाइ कुलो मर्मत, पक्की कुलो निर्माण, भूमिगत सिँचाइ मर्मतसम्भारको काम गरेको छ । आव २०७४र०७५ र आव २०७५र०७६ को असार मसान्तसम्ममा वडा कार्यालयले बैजनाथ, पशुपति, राधाकृष्ण, ज्योति, केदार, शिवशक्ति, दुर्गा, श्रीकृष्ण, अस्मिकेदार, सिद्धनाथ, भूमिराज लगायत टोलमा झण्डै रु एक करोड बढीको लगानीमा डिप ट्युबेल, स्योलो ट्युबेल जडानसँगै समरसिल पम्प खरीद, पाइप खरीदलगायतका काम सम्पन्न गरेको छ ।

डेढ दर्जन बढी डिप ट्युबेल सिँचाइ सुविधाका लागि निर्माण गरी स्थानीय किसानको खेतमा सिँचाइ सुविधा पुयाइएको वडाध्यक्ष कुँवरले जानकारी दिए । उनका अनुसार निर्माण गरिएको एक डिपट्युबेलबाट ६० बिघा जग्गामा सिँचाइ सुविधा उपलब्ध हुन्छ । डिपट्युबेल र स्यालोट्युबेलबाट झण्डै ८०० बिघा खेतमा सिँचाइ सुविधा पुगेको छ । वडामा एक हजार ८४ परिवारको बसोबास छ । रासस

Featured