देश

डोटी अस्पताल बन्यो प्रदेशकै उत्कृष्ट अस्पताल

डोटी, माघ २२–जिल्ला अस्पताल डोटी प्रदेशभरिकै उत्कृष्ट अस्पताल घोषित भएको छ । सुदूरपश्चिम प्रदेशभरिमा रहेका अस्पतालमध्ये जिल्ला अस्पताल डोटीले विभिन्न सूचकांकलाई आधार मान्दा कुल ७७ प्रतिशत अंक प्राप्त गरी उत्कृष्ट अस्पतालका रूपमा घोषित भएको सुदूरपश्चिम क्षेत्रीय स्वास्थ्य सेवा निर्देशनालय दिपायल राजपुरका मेडिकल अधिकृत डा. भूषण मिश्रले बताए ।

सुदूरपश्चिममा ६ महिनापहिले गरिएको गुणस्तरीय सेवा मापदण्डमा डोटी अस्पताल प्रदेशकै उत्कृष्ट भएको थियो । सरकारबाट अस्पतालहरूले न्यूनतम रूपमा प्रदान गर्नुपर्ने सेवाको अवस्था यथार्थ अवस्था के छ, अन्तर कहाँ छलगायत विषयमा प्रत्येक ६र६ महिनामा मापन हुने गर्छ । सुशासन तथा व्यवस्थापन, उपचार सेवा र अस्पतालका सहयोगी संयन्त्र गरी मुख्य ३ सूचक गरी ७ सय ६९ सूचक निर्धारण गरी अस्पतालको सेवाको गुणस्तर मापन गरिएको क्षेत्रीय स्वास्थ्य सेवा निर्देशनालय दिपायल राजपुरका मेडिकल अधिकृत डा. मिश्रले जानकारी दिए।

त्यसैगरी, अछाम जिल्ला अस्पताल ७१ प्रतिशत अंक प्राप्त गर्दै दोस्रो स्थानमा पर्न सफल भएको छ । प्रदेशकै उत्कृष्ट अस्पताल हुन सफल भएको डोटी जिल्ला अस्पताललाई आगामी दिनहरूमा समेत अस्पताललाई अझ थप सुविधा सम्पन्न बनाउँदै वर्षे्नि उत्कृष्ट गराउने जिल्ला अस्पताल डोटीका अध्यक्ष यज्ञराज जोशीले बताए । सुदूरपश्चिमका जिल्ला अस्पतालमा गरिएको सर्वेक्षणमा डोटी ७७, अछाम ७१, बझाङ ७०, दार्चुला ७० बैतडी ६५ तथा बाजुराले ५५ प्रतिशत अंक प्राप्त गरेको स्वास्थ्य निर्देशनालय दिपायल राजपुरले जनाएको छ । रासस

Featured