देश

बालिका बलात्कारपछि हत्या अभियुक्तलाई आजीवन कैद

विराटनगर, माघ १७–विराटनगरकी १० वर्षीया रुपमति दासको बलत्कारपछि हत्या गर्ने दुई जना अभियुक्तलाई अदालतले आजीवन कैदको फैसला गरेको छ । विराटनगर–८ बलुवाहीका १९ वर्षीय चन्दु महतो र सोही ठाउँका २५ वर्षीय भुट्टु भन्ने अब्बास अन्सारीलाई मोरङ अदालतका न्यायाधीश तेजबहादुर खड्काको इजालशले जिवित रहेसम्म कैदको फैसला गरेको हो ।

मुलुकी अपराध संहिता २०७४ को दफा ४१ र दफा १७७(२) अनुसार पुर्पक्षका लागि थनुामा रहेका महतो र अन्सारीलाई अदालतले आजिवित कैदको फैसला गरेको जिल्ला अदालत मोरङका सूचना अधिकारी युवराज पौडेलले जानकारी दिए । उनीहरूले बलत्कार गरेपछि रुपमतिको घाटी थिचेर हत्या गरेका थिए ।

Featured