देश

अग्नी सापकोटाविरुद्धको रिट अग्निकै विपक्षमा बहस गरेका न्यायाधीशको इजलासमा

काठमाडौं, माघ १२–आज सभामुखमा निर्वाचन हुदै गरेका नेकपा नेता अग्नि सापकोटाविरुद्ध दायर भएको रिटमा विगतमा सापकोटाकै विक्षमा बहस गरेका न्यायाधीशको इजलासमा सुनुवाई तोकिएको छ । काभ्रेका अर्जुन लामा हत्या प्रकरणमा जोडिएका सापकोटामाथि कारवाही नभएको भन्दै अधिकारकर्मी सुशील प्याकुरेलले दायर गरेको मुद्दामा निवेदकको पक्ष र अग्निको विपक्षमा बहस गरेका न्यायाधीश हरि फुयाँलको इजलासमा आज रिटको सुनुवाई तोकिएको छ ।

सर्वोच्च अदालतको ६ नम्वर इजलासमा न्यायाधीश हरि फुयाँलको इजलासमा तोकिएपछि आज सो रिटको सुनुवाई अनिश्चित बनेको छ । सिद्धान्ततः यसअघि आफुले पक्ष या विपक्षमा बहस गरेको र आफन्त पर्नेको मुद्दामा न्यायाधीशले मुद्धा सुनुवाई नगर्ने प्रचलन छ । फुयाँलले यसअघि आफूले अग्निको विपक्षमा मुद्दा सुनुवाई गरेको आधार देखाउदै यो रिटमा सुनवाई गर्न मानेनन भने आज सापकोटाविरुद्धको रिटमा सुनुवाई स्थगित हुनेछ । फुयालसहित अर्का न्यायाधीश हरिकृष्ण कार्किले पनि सो मुद्दामा अग्निको विपक्षमा बहस गरेका थिए ।

वरिष्ठ अधिवक्ता युवराज संग्रौलाले भने सो मुद्दामा महान्यायाधिवक्ताका हैसियतमा सापकोटाको पक्षमा बहस गरेका थिए । शुसील प्याकुरेलले तत्कालीन प्रधानमन्त्री झलनाथ खनालसमेतलाई विपक्षी बनाएर दायर गरेको सो रिटमा इजलासले हरेक १५ दिनमा हत्या अनुसन्धानको प्रतिवेदन महान्यायधिवक्ता कार्यालयमार्फत अदालतमा पेस गर्न भनेको थियो । सो आदेश हालसम्म कार्यान्वयन भएको छैन छैन ।

Featured