विदेश

अमेरिकामा अहिले सम्म कै शक्तिशाली भूकम्प

असार २०, सिन्ह्वा । अमेरिकाको क्यालिफोर्निया राज्यमा दुई दशकयताकै शक्तिशाली शक्तिशाली भूकम्प गएको छ। क्यालिफोर्नियाको रिजक्रेस्टमा उक्त भूकम्पको केन्दबिन्दु रहेको प्राप्त समाचारमा जनाइएको छ। अधिकारीहरुले रिजक्रेस्ट शहरमा केन्द्रविन्दु रहेको भूकम्प ६.४ रेक्टर स्केलको रहेको र भूकम्पको केन्द्रविन्दु क्यालिफोर्निया राज्यको दक्षिणी भूभागमा रहेको बनाएका छन् ।

अमेरिकाको पश्चिमी राज्य क्यालिफोर्नियाको यस भूकम्पबाट भौतिक क्षति पुगेको अनुमान गरिएको छ। गएको करिब दुई दशकयताकै शक्तिशाली मानिएको यस भूकम्पबाट भौतिक तथा मानवीय क्षतिको कुनै विवरण भने अहिले सम्म प्राप्त भएको छैन ।

अमेरिकी सञ्चारमाध्यमहरुले नै भौतिक या मानवीय क्षतिको बारेमा कुनै जानकारी प्राप्त नभएको जनाएका छन्। क्यालिफोर्नियामा सन् १९९९ पछि यो पहिलो पटक यति शक्तिशाली भूकम्प आएको अधिकारीहरुले जनाएका छन्। करिब ६.६८ किलोमीटरको गहिराईमा भूकम्पको केन्द्रविन्दु रहेको पत्ता लागेको अमेरिकी भौगर्भिक संस्थाले जनाएको छ।

उक्त भूकम्पको धक्का क्यालिफोर्नियाको छिमेकी राज्य नेभादाको लस भेगास सम्म महसुश गरिएको बताइएको छ। अमेरिकाको स्वतन्तत्रा दिवसकै दिन यहाँ भूकम्प गएको हो। भूकम्पले दक्षिणी क्यालिफोर्नियामा बढी क्षति भएको अनुमान गरिएको छ।

भूकम्पपछि यहाँका केही स्थानमा आगलागी भएको पनि अधिकारीहरुले जनाएका छन्। तर ठूलो सङ्ख्याका उद्दारकर्मीहरु उद्दारको काममा खटिसकेका बताइएको छ। प्रारम्भिक सूचनामा केही नागरिक घाइते भएका र उनीहरुलाई उद्धार गरेर अस्पताल सम्म पुर्याइएको जनाइएको छ।

भूकम्पको केन्द्रविन्दु रहेको रिजक्रेस्ट यहाँको बाक्लो आवादी रहेको क्षेत्रभन्दा धेरै नै पर रहेकोले क्षति कम भएको अनुमान गरिएको केही अधिकारीहरुको भनाई छ ।

क्यालिफोर्नियाको आपतकालीन कार्यालयले भूकम्प र आगलागीपछि खोज तथा उद्धारको कार्य जारी रहेको बताएको छ ।उता अमेरिकी राष्ट्रपति डोनाल्ड ट्रम्पले स्थिति खराब नरहेको, नियन्त्रणमा रहेको जानकारी दिनुभएको छ। भूकम्पलगत्तै उहाँले गर्नुभएको ट्वीटमा यस्तो बताउनुभएको हो ।

यहाँका भौगर्भिक अधिकारीहरुले भूकम्पपछि निरन्तर परकम्प गइरहेको जनाएका छन् । अमेरिकी भौगर्भिक सर्वेक्षण संस्था (युएसजिएस) ले पराकम्पहरु गइरहेको भन्दै अरु पनि कैयौँ परकम्प जानसक्ने बताएको छ ।

Featured