देश

सरकार निकटलाई सरकारी पदक, आफैंले आफैंलाई पदक सिफारिस

काठमाडौं, असोज ४–सरकारले संविधान दिवसको अवसर पारेर वितरण गर्ने विभिन्न मानपदवी तथा विभूषणबाट शक्ति र सत्तावरिपरि हुनेमात्रै विभूषित हुने गरेको देखिएको छ। मन्त्रिपरिषद्को सिफारिसमा शुक्रबार घोषणा गरिएका मानपदवी र अलंकार प्रधानमन्त्रीको निजी चिकित्सकदेखि व्यापारीले पाएबाट पनि यो पुष्टि भएको छ।

विभूषण सिफारिस समितिले राष्ट्रको गौरव वृद्धि गर्ने कार्यमा विशेष योगदान र्पुयाएको, आफ्नो क्षेत्रमा उत्कृष्ट काम गरी राष्ट्रलाई योगदान र्पुयाएको, सरकारी सेवासँग सम्बन्धित भए आफूलाई तोकिएको काम प्रशंसनीय रुपमा सम्पादन गरेको, विदेशी नागरिक भए नेपालको सम्मुन्नति तथा अन्तर्रा्ष्ट्रिय क्षेत्रमा नेपालको सम्मान बढाउने कार्यमा विशेष योगदान दिएको व्यक्तिलाई सिफारिस गर्नुपर्ने प्रावधान छ ।

त्यस्तै कुनै साहसी तथा बुद्धिमत्तापूर्ण कार्य गरी विशेष योगदान दिएको व्यक्तिलाई पदक दिनुपर्नेमा सरकारी निकटलाई पदकका लागि सिफारिस गर्ने प्रचलन बढ्दै गएको छ । यो समाचार आजको नागरिक दैनिकले छापेको छ ।

Featured