देश

करेन्ट लागेर दाङमा एक मजदुरको मृत्यु

दाङ, भदौ ३०-दाङमा करेन्ट लागेर पुल निर्माणको काम गर्न बसेका एक मजदुरको मृत्यु भएको छ।

दाङ जिल्ला प्रहरी कार्यालयका अनुसार घोराही उपमहानगरपालिका-१६ स्थित गुर्जेखोलाको पुलनजिकै सोही पुल निर्माणको काम गर्न बसेका एक व्यक्तिको मृत्यु भएको हो।

आइतबार साँझ ७ बजेतिर करेन्ट लागेर कञ्चनपुर लालझरी गाउँपालिका ६ निवासी २३ वर्षीय शिवराज चौधरीको मृत्यु भएको जिल्ला प्रहरी कार्यालय दाङका प्रहरी नायब उपरीक्षक विनोदविक्रम शाहले जानकारी दिए।

दाहिने हातमा करेन्ट लागेर गम्भीर घाइते भएका उनको राप्ती स्वास्थ्य विज्ञान प्रतिष्ठानमा उपचारका लागि लैजाँदै गर्दा मृत्यु भएको हो।

Featured