देश

सामान्यदेखि पूर्णतया बदलीको अवस्था

काठमाडौं, भदौ १७–ऊर्जा, जलस्रोत तथा सिँचाइ मन्त्रालय जल तथा मौसम विज्ञान विभाग मौसम पूर्वानुमान महाशाखाले मंगलबार बिहान ६स्०० बजे गरेको मौसम विश्लेषणअनुसार मनसुनी न्यून चापीय रेखा औसत स्थानको आसपास अवस्थित छ । साथै बंगालको खाडीको उत्तर(पश्चिमि भागमा एउटा निम्न चापीय प्रणाली बनेको छ ।

मंगलबार देशभर सामान्यदेखि पूर्णतया बदलीको अवस्था रहेको छ ्र साथै पूर्व र मध्यका केही तथा पश्चिमका थोरै स्थानहरुमा हल्कादेखि मध्यम वर्षा हुन सक्ने महाशाखाले जनाएको छ ।

मंगलबार दिउँसो देशभरि सामान्य बदली रही केही स्थानमा मेघ गर्जन र चट्याङसहित हल्कादेखि मध्यम वर्षा हुनेछ। पूर्वी र मध्य पहाडी भेगका एक वा दुई स्थानमा भारी वर्षा हुने सम्भावना रहेको महाशाखाको बुलेटिनमा छ ।

राति देशका अधिकांश स्थानमा सामन्यदेखि पूर्ण बदली रही केही स्थानमा मेघ गर्जन र चट्याङसहित हल्कादेखि मध्यम वर्षा हुनेछ। पश्चिम र मध्यका एक वा दुई स्थानमा भारी वर्षाको सम्भावना रहेको महाशाखाले जनाएको छ ।

देशभरि आंशिकदेखि सामान्य बदली रही केही स्थानमा मेघ गर्जन र चट्याङसहित वर्षाका साथै पहाडी भेगका एक वा दुई स्थानमा भारी वर्षाको सम्भावना रहेकाले सतर्कता रहन महाशाखाले अनुरोध गरेको छ ।