विदेश

यमनको कारागारमा साउदी सेनाको भीषण आक्रमण, सय जनाको मृत्यु

Rescue workers carry a body from under the rubble of a Houthi detention center destroyed by Saudi-led airstrikes, that killed at least 60 people and wounding several dozen according to officials and the rebels' health ministry, in Dhamar province, southwestern Yemen, Sunday, Sept. 1, 2019. The officials said the airstrikes took place Sunday and targeted a college in the city of Dhamar, which the Houthi rebels use as a detention center. The Saudi-led coalition said it had hit a Houthi military facility used as storages for drones and missiles in Dhamar. (AP Photo/Hani Mohammed)

साना, एजेन्सी, भदौ १६–साउदी अरब नेतृत्वको सेनाले गरेको हवाई आक्रमणमा परी यमनमा पछिल्लो समयमा १०० जना मारिएको रेडक्रसको अन्तर्राष्ट्रिय समितिले आइतबार जनाएको छ। हुथी विद्रोहीहरुले ड्रोन र मिसाईलहरु संकलन गरे राखेको सूचनाका आधारमा गठबन्धन सेनाले उक्त स्थानमा आक्रमण गरेको थियो।

हुथी विद्रोहीका अनुसार विद्रोहीहरुले कारागारको रुपमा उपयोग गर्दै आइरहेको भवनमा आक्रमण भएको हो। संयुक्त राष्ट्रसंघीय अधिकारीहरुले घटनामा परी कम्तीमा ५२ जना मारिएको शव नै भेटिएको र अरु ६८ जना हराइरहेको जनाएका छन्।

रेडक्रसको अन्तर्राष्ट्रिय समितिले दामरस क्षेत्रमा औषधि तथा अन्य सहयोग सामग्रीसहितको टोली पठाइएको बताएको छ। ‘अहिले आक्रमण भएको क्षेत्रमा आइसिआरसीको टोलीले यसअघि नै स्थलगत अध्ययन भ्रमण गरिसकेको थियो,’ यमनका लागि आइसिआरसीले खटाएको टोलीका प्रमुख फ्रान्ज रौचेन्स्तैनले धमारबाट एएफपीसँग भने।

उनले भने, ‘कारागारमा आक्रमण हुनु यसको सबैभन्दा नराम्रो पक्ष हो, यसका लागि अन्तर्राष्ट्रिय कानुन आकर्षित हुन्छ।’ रौचेन्स्तैनले एक सय भन्दा बढीको मृत्यु भएको अनुमान गरिएको जानकारी दिए। उनका अनुसार अरु ४० जनालाई घाइते अवस्थामा अस्पतालमा उपचार गराइएको छ।

घटनास्थलबाट आइसिआरसीको टोलीले शवहरु सङ्कलन गरेको थियो। –एएफपी

Featured