खेलकुद देश राजनीति

विराटनगरको त्रिमुर्ती चोकमा खुल्ला व्यायामशाला सञ्चालन, मेयर पराजुलीले गरे उद्घाटन्

विराटनगर, २२ फागुन ‘व्यायाम गरौ, रोग भगाऔं’ नाराका विराटनगर महानगरपालिकाका–५ स्थित त्रिमूर्ति चोकमा आजदेखि खुल्ला व्यायाम सञ्चालनमा आएको छ । महानगरपालिका र लायन्स क्लव शुभमको रु सात लाख ५० हजार रुपैयाँको लगानीमा स्थापित उक्त्त व्यायामशालाको उपभोक्ता समितिले आगामी दुई वर्षसम्म रेखदेख, आवश्यक मर्मत सम्भार र सञ्चालन गर्ने भएको छ।

विराटनगर महानगरपालिकाका मेयर भीम पराजुलीले व्यायामशालाको उद्घाटन गर्दै नगरले उत्तर, दक्षिण, मध्य र अन्य स्थानमा खुल्ला व्यायामशालाको निर्माणका लागि चालु वर्षमा वजेटको व्यवस्था गरेको जानकारी दिदै सो केन्द्रको स्थापना समाजमा उदहारणीय भएको बताए ।
उनले रोग लाग्नु भन्दा अगाडि रोकथामको उपाय गर्नु उत्तम हुनाले हामीले हामीले खानपान, व्यायाम गर्नु आवश्यक भएको धारणा राख्दै नगरले प्रत्येक वडामा पार्क, व्यायामशाला र बालबालिकाको खेलक्षेत्र निर्माणको सोचले काम गरिरहेको बताए ।

लायन्स क्लव शुभमकी अध्यक्ष मनिका शर्माले व्यायाम गर्नका लागि रकम तिर्न नसक्ने उपभोक्तालाई निःशुल्क सञ्चालित यस व्यायामशालाको उपभोगबाट स्वस्थ्य रहन सहयोग पुग्ने हुनाले उद्देश्यले स्थापित गरिएको बताइन् ।

लायन्स क्लवका राजन खत्री ,चन्द्र श्रेष्ठ र उपभोक्ता समितिका अध्यक्ष देवीप्रसाद पोखरेलले व्यायामशाला स्थापनाबाट यस क्षेत्रका ज्येष्ठ नागरिक तथा युवायुवतीलाई स्वास्थ्यप्रति सचेत रहन जागरुक गराउने बताए । उपभोक्ता प्रमोद खतिवडाले व्यायामशाला स्थापनाले प्रातःकालमा हिडडुलका साथै व्यायाम गर्नाले स्वस्थ्य जीवन यापनमा सहयोग पुग्ने विश्वास व्यक्त गर्नु भयो । स्थापित खुल्ला व्यायामशाला प्रदेश नं १ मा पहिलो रहेको हो ।

Featured