देश

मिस थारु आईकन सिजन टू को अन्तिम अडिसन सम्पन्न

विराटनगर, भदौ ८–आगामी असोज महिनामा विराटनगरमा आयोजना हुने प्रदेशस्तरीय मिस्टर एण्ड मिस थारु आईकन सिजन टू को अन्तिम अडिसन सम्पन्न भएको छ । विराटनगरस्थित एक नृत्य प्रशिक्षण केन्द्रमा सम्पन्न भएको अडिसनमा सुनसरी मोरङका २ दर्जन बढी युवायुवती सहभागि भएका छन् ।

यसअघि दुुहबी,झुम्का,गाइघाट र विर्तामोडमा समेत प्रतियोगिताको अडिसन गरिएको थियो । ती अडिसनहरुबाट २५ जना युवायुवती प्रतिस्पर्धाकालागि छनौट भइसकेका छन् ।

विराटनगरको अडिसनमा पहिलो सिजनको टाइटल विजेता शिवानी चौधरी र प्रमोद विश्वासका साथै अधिवक्ता मधुसुदन चौधरी,महिला नेतृ सुचि चौधरी,समाजसेवी पार्वती गच्छदार र देवीता विश्वासले निर्णायकको भुमिका निर्वाह गरेका छन् ।

विराटनगरबाट छनौट गरिने प्रतिस्पर्धिहरुलाई समेत समावेश गरेर १ महिने बन्द प्रशिक्षण आयोजना गरिने आयोजक थारु कला केन्द्रले जनाएको छ ।

थारु भाषा र कलासंस्कृति प्रबद्र्धन गर्ने उद्धेश्य सहित आयोजना गरिने प्रतियोगिताको फाइनल स्थानीय वीरेन्द्र सभागृहमा आउदो दशैंमा सम्पन्न हुने जनाइएको छ । मिस्टर एण्ड मिस थारु आईकनको टाइटल विजेताले ५० हजार,फस्र्ट रनरअपले ३० हजार र सेकेण्ड रनरअपले २० हजार हासिल गर्ने जनाइएको छ ।