खेलकुद विदेश

एबी डी भिलियर्स चम्किँदा राजस्थानमाथि बैंगलोरको जित

एजेन्सी, १ कात्तिक-एबी डी भिलियर्सको शानदार पारीसँगै रोयल च्यालेञ्जर्स बैंगलोरले युएईमा जारी आइपीएल-१३ को ३३औँ म्याचमा राजस्थान रोयल्सलाई सात विकेटले पराजित गरेको छ ।

डी भिलियर्सले मात्र २२ बलमा अविजित ३३ रन बनाए । उनले एक चौका र ६ छक्का प्रहार गरे । यीमध्ये तीन छक्का १९औँ ओभरमा जयदेव उनदकको लगातार तीन बलबाट लिएका थिए ।

डी भिलियर्सको शानदार प्रदर्शनसँगै बैंगलोरले जितका लागि १ सय ७८ रनको लक्ष्य दुई बल बाँकी छँदै हासिल गर्‍यो ।  बैंगलोरका लागि कप्तान विराट कोहलीले ४३ रन बनाए । राजस्थानका  जयदेव उनदकट सबैभन्दा महँगा बलर रहे । उनले चार ओभरमा ४६ रन खर्च गरिदिए । यसअघि कप्तान स्टीभ स्मिथको अर्धशतकको मद्दतमा राजस्थान रोयल्सले २० ओभरमा ६ विकेट गुमाउँदै १ सय ७७ रन बनाएको थियो । स्मिथले ३६ बलमा ५७ रन बनाए र उनले आफ्नो पारीमा ६ चौका र एक छक्का हाने ।

ओपनिङमा आएका रोबिन उथप्पाले पनि राजस्थानका लागि उपयोगी पारी खेले । उनले २२ बलमा सात चौका र एक छक्काको मद्दतमा ४१ रन बनाए । जोस बटलरले २४ र राहुल तेवतियाले अविजित १९ रन बनाए । बैंगलोरका लागि क्रिस मोरिसले २६ रन दिएर चार विकेट लिए ।

Featured