देश विदेश

विश्वमा ९ लाख ३९ हजारभन्दा बढीको कोरोनाबाट मृत्यु

एजेन्सी, ३१ भदौ-विश्वभरी कोरोना भाइरस संक्रमणबाट नौ लाख ३९ हजार १८६ जनाको मृत्यु भएको विश्व स्वास्थ्य संगठन (डब्लुएचओ) जनाएको छ । डब्लुएचओका अनुसार विश्वमा दुई करोड ९७ लाख २७ हजार ३ सय ८९ जना कोरोना संक्रमित भएका छन् । यद्यपी विश्वमा दुई करोड १५ लाख ४२ हजार ४ सय ७७ व्यक्ति कोरोना मुक्त भएका छन् ।

हाल विश्वमा ७२ लाख ४५ हजार ७ सय २६ जना कोरोनाको उपचार भइरहेको पनि सो संगठनले जानकारी दिएको छ । सङ्क्रमितमध्ये ६० हजार ९ सय १५ जनाको अवस्था गम्भीर रहेको जनाएको छ ।

चीनको हुबे प्रान्तको वुहान शहरबाट गत वर्षको डिसेम्बरको अन्त्यबाट सुरु भएको कोरोना संक्रमणको कारण संयुक्त राज्य अमेरिका सबैभन्दा बढी प्रभावित भएको छ । कोरोनाबाट अन्त्यत प्रभावित दश वटा देशको डब्लुएचओद्वारा प्रकाशित तथ्यांक यी रहेका छन् ।

अमेरिकामा ६७ लाख ७८ हजार १ सय ४७ जनामा कोरोना संक्रमित रहेका छन् । यहाँ ४० लाख  ६८ हजार ८६ जना कोरोना मुक्त भएका छन् भने २ लाख १९७ हजार व्यक्तिको मृत्यु भइसकेको बताइएको छ ।

भारतमा  ५० लाख २० हजार ३५९ जना कोरोना संक्रमित रहेका छन् । यहाँ  ३९ लाख ४२ हजार ३६० कोरोना संक्रमण मुक्त भएका छन् भने ८२ हजार ९१ जनाको मृत्यु भएको छ ।

ब्राजिलमा ४३ लाख ८४ हजार २९९ जना कोरोना संक्रमित रहेका छन् । यहाँ ३६ लाख ७१ हजार १२८ कोरोना मुक्त भएका छन् भने १ लाख ३३ हजार २०७ जनाको मृत्यु भएको छ ।

रुस १० लाख ७३ हजार ८ सय ४९ जना कोरोना संक्रमित रहेका छन् । यहाँ ८ लाख ८४ हजार ३०५ कोरोना मुक्त भएका छन् भने १८ हजार ७ सय ५० जनाको मृत्यु भएको छ ।

पेरुमा ७ लाख  ३८ हजार २० जनामा कोरोना भाइरस सङ्क्रमण रहेको छ । यहाँ ५ लाख ८० हजार ७५३ जना कोरोना भाइरस मुक्त भएका छन् भने ३० हजार ९ सय २७ जनाको मृत्यु भएको छ ।

कोलम्बिया ७ लाख २८ हजार ५ सय ९० जनामा कोरोना संक्रमण रहेको छ । यहाँ ६ लाख ७ हजार ९ सय ७८ कोरोना भाइरस मुक्त भएका छन् भने २३ हजार २ सय ८८ जनाको मृत्यु भएको छ ।

मेक्सिकोमा ६ लाख ७६ हजार ४ सय ८७ जनामा कोरोना सङ्क्रमण रहेको छ । यहाँ ४ लाख ८१ हजार ६८ कोरोना भाइरस मुक्त भएका छन्  भने ७१ हजार ६ सय ७८ जनाको मृत्यु भएको छ ।

दक्षिण अफ्रिकामा ६ लाख ५१ हजार ५२१ जनामा कोरोना सङ्क्रमण रहेको छ । यहाँ ५ लाख ८३ हजार १२६ कोरोना भाइरस मुक्त भएका छन् भने १५ हजार ६४१ जनाको मृत्यु भएको छ ।

स्पेनमा ६ लाख ३ हजार १६७ जनामा कोरोना सङ्क्रमण रहेको छ भने ३० हजार ४ जनाको मृत्यु भएको छ । अर्जेन्टिना ५ लाख ७७ हजार ३ सय ३८ जनामा कोरोना भाइरस सङ्क्रमण रहेको छ । यहाँ ४ लाख ३८ हजार ८ सय ८३ कोरोना मुक्त भएका छन् भने ११ हजार ८ सय ५२ जनाको मृत्यु भएको छ ।