देश मनोरंजन

प्रधानमन्त्री ओलीलाई भेट्न प्रचण्ड पुगे बालुवाटार

k|wfgdGqL k|r08 / cWoIf cf]nLaLr e]6 k|wfgdGqL k'iksdn bfxfn …k|r08Ú / g]skf -Pdfn]_ sf cWoIf s]kL zdf{ cf]nLaLr laxLaf/ l;+xb/af/l:yt ;efd'vsf] sfo{sIfdf e]6jftf{ x'Fb} . tl:a/ M /f]zg ;fksf]6f, /f;;
काठमाडौं, २९ साउन-प्रधानमन्त्री तथा सत्तारुढ नेपाल कम्युनिस्ट पार्टी (नेकपा) का अध्यक्ष केपी शर्मा ओलीसँग भेट गर्न अर्का अध्यक्ष पुष्पकमल दाहाल (प्रचण्ड) बालुवाटार पुगेका छन् । दुई अध्यक्षबीच लामो समयको संवादहीनता अन्त्य गर्दै बालुवाटारमा भेट भएको हो । 

बालुवाटारमा दुई अध्यक्षबीच पार्टीमा जारी विवाद अन्त्यका विषयमा छलफल हुने बताइएको छ । पार्टी स्थायी कमिटी बैठकमा शीर्ष ४ नेताले प्रधानमन्त्री तथा पार्टी अध्ययक्षबाट केपी ओलीले राजीनामा दिनुपर्ने माग राखेपछि सत्तारुढ नेकपाभित्र विवाद चुलिएको छ ।

विवादका कारण नेकपा स्थायी कमिटीको बैठक अनिश्चितकालका लागि स्थगित भएको छ । विवाद समाधानका लागि दुई अध्यक्षबीच भएको छलफलमा सहमति बन्न नसकेपछि स्थायी कमिटीको बैठक अन्योलमा परेका बेला पुनः छलफल सुरु भएको हो ।

यसअघि दुई अध्यक्षबीच भएको छलफलमा प्रधानमन्त्री केपी शर्मा ओलीले विवाद सचिवालयबाट हल गर्ने प्रस्ताव राखेका थिए भने अर्का अध्यक्ष प्रचण्डले स्थायी कमिटीको बैठक अलपत्र राखेर सचिवालयमा फर्किन नसकिने बताएपछि वार्ता अघि बढ्न सकेको थिएन ।

स्थायी कमिटीमा अध्यक्ष प्रचण्ड, वरिष्ठ नेताहरु झलनाथ खनाल र माधवकुमार नेपालको समूहको बहुमत छ भने वामदेव गौतम सहमतिका लागि भन्दै ६ बुदे प्रस्ताव लिएर आएपछि सचिवालयमा ओली बहुमतमा छन् ।