देश

प्रदेश १ मा शनिबार १९ संक्रमित थपिए, २५ जना डिस्चार्ज

विराटनगर, १७ साउन-प्रदेश १ मा शनिबार १९ जनामा कोरोना संक्रमण पुष्टि भएको छ । प्रदेश-१ सामाजिक विकास मन्त्रालयका अनुसार प्रदेश १ मा शनिबार झापाको विर्तामोडका १ पुरुष र १ महिला तथा इलामका १७ पुरुषमा कोरोना संक्रमण पुष्टि भएको हो । शनिबार पुष्टि भएकासँगै प्रदेश १ मा ८ सय ७५ पुरुष र १ सय ६९ महिला गरि कुल संक्रमितको संख्या १ हजार ४४ पुगेको छ ।

नमुना संकलनका आधारमा प्रदेश १ को झापा जिल्लाका सबैभन्दा बढी ३ सय ६८ जनामा कोरोना संक्रमण पुष्टि भएको छ । त्यसैगरी मोरङका ३ सय १४, सनसरीका १ सय ४०, धनकुटाका १६, भोजपुरका ६, खोटाङका ८, उदयपुरका ८५, सोलुखुम्बुका ७, संखुवासभाका ५, तेह्रथुमका ७, इलामका ५८, पाँचथरका ५, ताप्लेजुङका ७, ओखलढुंगाका १७ र अन्यका एकजनामा कोरोना संक्रमण पुष्टि भएको सामाजिक विकास मन्त्रालयका प्रवक्ता डा. सुरेस मेहताले जानकारी दिए ।

उनका अनुसार प्रदेश १ मा शनिबार २५ जना कोरोना संक्रमण मुक्त भएका छन् । शनिबार झापाका ७, मोरङका ५, सुसनसरी र धनकुटाका ३/३, सोलुखुम्बु र इलाममा १/१ तथा ओखलढुंगाका ५ पुरुष संक्रमणमुक्त भएर घर फर्किएका हुन् । शनिबार डिस्चार्ज भएकासँगै प्रदेश १ बाट डिस्चार्ज हुनेको संख्या ८ सय १४ पुगेको छ । झापाका ३ सय १२ जना, मोरङका २ सय ९, सुनसरीका १ सय ११, धनकुटाका १४, भोजपुरका ६, खोटाङका ११, उदयपुरका ७७, सोलुखुम्बु र संखुवासभाका ५/५, तेह्रथुमका ७, इलामका २६, पाँचथरका ६, ताप्लेजुङका ७, ओखलढुंगाका १६ र अन्यका २ जाना उपचार पनि कोरोना संक्रमणमुक्त भएर घर फर्किएका हुन् ।

मन्त्रालयका अनुसार हाल प्रदेश १ मा कोसी अस्पताल कोभिड–१९ उपचारकेन्द्रको आइसोलेसनमा ६० जना, पूर्वाञ्चल विश्वविद्यालयस्थित गोठगाउँमा कोभिड–१९ अस्पतालमा ८७, सुनसरीको धरानस्थित विपि कोइराला स्वास्थ्य विज्ञान प्रतिष्ठानमा ३७, उदपुरको चौदण्डीगडीस्थित आइसोलेनमा ६ जना, खोटाङको जिल्ला अस्पताल अस्थायी केन्द्रमा एक जना र ताप्लेजुङको अस्थायी केन्द्रमा ४ जना उपचाररत रहेका छन् ।

प्रदेश १ मा हालसम्म १ जनाको मात्र मृत्यु भएको छ । शनिबारसम्म प्रदेश १ मा ४३ हजार ७ सय २७ जनाको पीसीआर परीक्षण गरिएको छ । जसमध्ये ४२ हजार ६ सय ८३ जनाको रिपोर्ट नेगेटिभ आएको सामाजिक विकास मन्त्रालयले जानाएको छ ।