देश

५० प्रतिशतभन्दा बढी कोरोना संक्रमित निको भए

काठमाडौं, २७ असार-नेपालमा कोरोना भाइरस (कोभिड-१९) संक्रमणमुक्त हुनेको संख्या बढ्दै गएको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले पछिल्लो २४ घण्टाको अवधिमा थप ४३१ जना कोरोना संक्रमणमुक्त भएर घर फर्किएका बताए ।

स्वास्थ्य मन्त्रालयको तथ्यांकअनुसार संक्रमितमध्ये ५० प्रतिशत बढी निको भएका छन् । अहिलेसम्म ८ हजार ४४२ जना संक्रमणमुक्त भएको उनको भनाइ छ । कूल संक्रमितमध्ये ५०.५ प्रतिशत निको भएको स्वास्थ्य मन्त्रालयले जनाएको छ ।

शनिबार ७० जनामा कोरोना संक्रमण पुष्टि भएको छ । शुक्रबार भने ११८ जनामा कोरोना पुष्टि भएको थियो । योसँगै कूल संक्रमितको संख्या १६ हजार ७१९ पुगेको छ ।

२४ घण्टाको अवधिमा ३ हजार ६४८ जनाको पीसीआर विधिबाट कोरोना भाइरस परीक्षण भएको छ । क्वारेन्टाइनमा रहेनको संख्या २४ हजार ९७ जना रहेको छ भने ८ हजार २३९ जना आइसोलेसनमा रहेको स्वास्थ्य मन्त्रालयले जनाएको छ ।

Featured