देश राजनीति

मन्त्री घिमिरेद्धारा कटहरीका जेष्ठ नागरिकलाई आवश्य सामाग्री वितरण

विराटनगर, असार २४–प्रदेश नं. १ का सामाजिक विकास मन्त्री जीवन घिमिरेले जेष्ठ नागरिकहरुका लागि आवश्यक सहयक सामाग्री वितरण गरेका छन् । मन्त्री घिमिरेले आफ्नै निर्वाचन क्षेत्र अन्तर्गत मोरङको कटहरी गाउँपालिकाका ४९ जना जेष्ठ नागरिकहरुलाई सम्मानसहित विविध सामाग्री वितरण गरेका हुन् ।

सो गाँउपालिका वडा नं. १, २ र ३ का ज्येष्ठ नागरीकहरुलाई मन्त्री घिमिरेको प्रदेश निर्वाचन क्षेत्र विषेश कार्यक्रम अन्र्तगत आवश्यक सामाग्रिहरु वितरण गरिएको हो ।

विराटनगर न्यूज मिडिया ग्रुप प्रालिको आयोजनामा कटहरी २ स्थित आदर्श पुस्तकालय परिसरमा आयोजित कार्यक्रमका बीच कटहरीका ४९ जना ज्येष्ठ नागरीकहरुलाई सम्मानपत्रसहित सामाग्रि तथा नगद वितरण गरिएको हो ।

सो अवसरमा मन्त्री घिमिरेले जेष्ठ नागरिकलाई तिर्थ यात्रामा लैजानका लागि बजेट बिनियोजन गरिएको भएपनि विश्वव्यापी माहामारीका रुपमा फैलिएको कोरोना भाइरस(कोभिड–१९) को असरका कारण हिँडडुल गर्ने अवस्था नभएका कारण कार्यक्रमको स्वरुप बदलिएको जानकारी दिए ।

उनले समयले साथ दिएको खण्डमा आगामी वर्षमा जेष्ठ नागरिकहरुलाई तिर्थयात्रामा लैजाने प्रतिवद्धतासमेत जनाए । मन्त्री घिमिरेले कटहरी गाउँपालिकामा प्रदेश सरकारका दुई मन्त्रीको निर्वाचन क्षेत्र रहेको बताउँदै कटहरीको चौतर्फी विकासका लागि गाउँपालिकालाई आफुहरुको साथ रहेको बताए । उनले कटहरीलाई सवल र सक्षम बनाउनका लागि आफु लागि परेको बताए ।

मन्त्री घिमिरेले सिंघिया नदी नियन्त्रणका लागि कटहरी र विराटनगर वारीपारि दुवै तर्फ तटबन्धन गर्ने गरी आगामी आर्थिक वर्षको बजेटमा २ कारोड रुपैयाँ बजेट बिनियोजन गरिएको जानकारी दिए । उनले कटहरीको एकिकृत तरकारी तथा फलफुल विक्रि केन्द्रको उचित व्यवस्थापनसमेत गरिने बताए ।

कार्यक्रममा मन्त्री घिमिरे, कटहरी गाँउपालिकाका अध्यक्ष रामकुमार कामत, उपाध्यक्ष मंजिता सरदार र आयोजक संस्थाका अध्यक्ष मृत्युञ्जयकुमार झाले ज्येष्ठ नागरीकहरुलाई सामाग्रि हस्तान्तरण गरे । सो क्रममा ज्येष्ठ नागरीकहरुलाई जुत्ता, छात्ता, टर्च लाईट, झुल र गम्छा सहित नगद ५ सय रुपैयाँ यातायात खर्चसमेत प्रदान गरिएको थियो ।

ज्येष्ठ नागरीकहरुलाई सम्मानपत्रले सम्मान गर्दै सामाग्रि वितरण गरिएको आयोजक संस्थाका कार्यकारी निर्देशक किशोर विश्वकर्माले जानकारी दिए । जेष्ठ नागरिकहरुको सम्मानका लागि मन्त्री घिमिरेले प्रदेश निर्वाचन क्षेत्र विषेश कार्यक्रम अन्तर्गत बजेट बिनियोजन गरेका थिए ।

Featured