देश

२४ घण्टामा १८० जनामा कोरोना संक्रमण

काठमाडौं, २२ असार-सोमबार कोरोना भाइरस संक्रमितको संख्या घटेको छ । देशभर १८० जनामा कोरोना संक्रमण देखिएको स्वास्थ्यष मन्त्रालयले जनाएको छ ।स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले देशभरका २५ वटा प्रयोगशालमा गरिएको परीक्षणमा थप १८० जनामा कोरोना देखिएको बताए । योसँगै नेपालमा कोरोना भाइरस संक्रमितको संख्या १५ हजार ९६४ पुगेको छ ।

२५ वटा प्रयोगशालामा पछिल्लो २४ घण्टामा ४ हजार ७२१ जनाको पीसीआर विधिबाट परीक्षण भएको छ । क्वारेन्टाइनमा २९ हजार २१५ रहेका छन् भने ९ हजार ११८ आइसाेलेसनमा रहेका छन् ।

त्यस्तै, पछिल्लो २४ घण्टाको अवधिमा २६४ जनाले कोरोना भाइरसलाई जितेका छन् । अहिलेसम्म ६ हजार ८११ जनाले कोरोनालाई जितेको उनले बताए ।

Featured