देश राजनीति

बालुवाटार बैठक सकारात्मक, भोलि फेरि बस्ने

काठमाडौं, १९ असार-वालुवाटारमा भएको नेकपाका अध्यक्षद्वयसहितका नेताहरूबीचको वार्ता सकिएको छ । शुक्रबार प्रधानमन्त्री निवास बालुवाटारमा प्रधानमन्त्री तथा पार्टी अध्यक्ष केपी शर्मा ओली र कार्यकारी अधयक्ष पुष्पकमल दाहाल प्रचण्डसहितका नेताहरूबीचको बैठक सकिएको हो । उनीहरूबीचको वार्ता सकारात्मक रहेको वार्तामा सहभागी एक नेताले बताएका छन् ।

ती नेताका अनुसार दुवै अध्यक्षले आ-आफ्ना कुरा खुलेर राखेका थिए । यद्यपि, प्रचण्डले राजीनामा माग्ने र ओलीले दिन्न भने अडान कामय रहेको बताइएको छ ।

वार्ता सकारात्मक रहेपनि निर्णायक मोडमा नपुगेको अर्को चरणमा बस्ने गरी टुंगिएको बताइएको स्रोतको भनाइ छ । ‘बैठक सकारात्मक छ,’ स्रोतले भन्य ‘फेरि भोलिको स्थायी कमिटी बैठकअघि अर्को चरणमा बसेर सबै विषयमा कुराकानी गर्ने सहमति भएको छ ।’

दुवै अध्यक्षबीच बालुवाटारमा करिक ३ घण्टा वार्ता भएको थियो । छलफलमा अध्यक्षद्वय ओली र प्रचण्डबाहेक महासचिव विष्णु पौडेल र नेता जनार्दन शर्मा पनि सहभागी थिए ।

Featured