देश राजनीति

‘संसदीय मूल्य र मान्यतालाई व्यवहारमा उतार्न हरदम प्रयत्न गर्नुपर्छ’  

काठमाडौं, १६ असार-प्रतिनिधि सभाका सभामुख अग्निप्रसाद सापकोटा र राष्ट्रिय सभा अध्यक्ष गणेश तिमिल्सिनाले संसदीय अभ्यासलाई निरन्तर सुधार गरी यसका मूल्य र मान्यतालाई व्यवहारमा उतार्न हरदम प्रयत्न गर्नुपर्नेमा जोड दिएका छन् ।

संसद दिवसको अवसरमा आज संयुक्त शुभकाना सन्देश जारी गर्दै उनीहरूले राज्य पुनर्संरचना  र संघीय शासन प्रणालीको कार्यान्वयन गर्न तीनै तहमा संसदीय अभ्यासलाई प्रभावकारी बनाएर जगदेखि नै मजबुत बनाउन सबै क्षेत्रको सहयोग आवश्यक रहेको समेत बताएका छन् ।

विगतमा संसद दिवसको सन्दर्भमा औपचारिक कार्यक्रम गर्दै आइएको भएपनि यो पटक कोरोना महामारीको कारण स्वास्थ्य सुरक्षालाई ख्याल गर्दै औपचारिक कार्यक्रम नराखिएकोसमेत सन्देशमा उल्लेख गरिएको छ ।

सभामुख सापकोटा र अध्यक्ष तिमिल्सिनाले दिवसको सम्झनामा संघीय संसद सदस्य, संविधानसभाका सदस्य, पूर्व सांसद, राष्ट्रसेव कर्मचारी लगायत सम्पूर्ण नारिकमा शुभकामना दिएका छन् ।

पहिलो संसदीय निर्वाचनसँगै १६ असार २०१६ मा सुरु भएको संसदको बैठकको स्मरणमा आजको दिनलाई संसद दिवसको रुपमा मनाइँदै आइएको छ ।

Featured