देश

कोरोना संक्रमणको डर हराउँदै गएकोमा स्वास्थ्य मन्त्रालयको चिन्ता

काठमाडौं, १५ असार-नेपालमा सबैले लकडाउन खुलेको महसुस गरेर भीडभाड गराएको प्रति स्वास्थ्य तथा जनसंख्या मन्त्रालयले चिन्ता व्यक्त गरेको छ । कोरोना भाइरस (कोभिड-१९) संक्रमित लगातार बढिरहेको समय सांस्कृतिक क्रियाकलापहरू विवाह, भोज, भतेर गरेर भीडभाड बढाएको पाइएको भन्दै मन्त्रालयले चिन्ता व्यक्त गरेको हो ।

अनावश्यक रूपमा जम्काभेट गरिरहेका दृश्यहरू देखिएको भन्दै कतै कोरोना भाइरस संक्रमणको डर हराउँदै गएको र जनजीवन सामान्य भइसकेको भन्दै महसुस हुन थालेकाले हो कि भन्ने चिन्ता बढ्न थालेको प्रवक्ता प्राडा. जागेश्वर गौतमले स्वास्थ्य मन्त्रालयको नियमित पत्रकार सम्मेलनका क्रममा बताए ।

न्यूनतम मापदण्डका बारेमा स्वास्थ्य मन्त्रालयले बारम्बार अनुरोध गर्दै आए पनि न्यूनतम भौतिक दूरीसमेत कायम नभएको उनले बताए । स्वास्थ्य मन्त्रालयका निर्देशन पालन नगरेको देखिएको भन्दै उनले दूरी कायम गर्ने, नियमित सरसफाइमा ध्यान दिने, व्यक्तिगत सरसफाइमा विशेष ध्यान दिनेजस्ता आधारभूत नियम पालना गर्न सबैलाई अनुरोध गरे ।

Featured