देश राजनीति

मदन जयन्तीमा कटहरीमा नेकपाको वृक्षारोपण

विराटनगर, असार १४–मदन भण्डारीको ६९ औं जन्मजयन्तीको अवसरमा कटहरी–५ स्थित भौँडाहामा पनि वृक्षारोपण गरिएको छ । नेपाल कम्युनिष्ट पार्टी (नेकपा) कटहरी गाउँ कमिटीको आयोजनामा वडा नं. ५ भौँडाहा स्थित दलित सामुदायीक भवन परिसरमा बृक्षारोपण गरिएको हो ।

नेपाल बाँतर सरदार समाज कल्याणकारी समितिको केन्द्रीय कार्यालयसमेत रहेको सो क्षेत्रमा नेकपा कटहरीको अयोजनामा बृक्षारोपण अभियानको सुरुवात गरिएको जिल्ला कमिटी सदस्य तथा कटहरी गाउँपालिकाका सह–इन्चार्ज सुभाषकुमार सरदारले जानकारी दिए ।

वृक्षारोपण कार्यक्रमको उद्घाटन सो क्षेत्रका संघिय सांसद अमनलाल मोदीले गरेका थिए । सो अबसरमा सांसद मोदीले जननेता मदन भण्डारीबारे चर्चा गर्दै मदन भण्डारीको बिचारकै कारण नेपालमा कम्युनिष्ट पार्टीले बहुमत प्राप्त गर्न सफल भएको बताए ।

कार्यक्रममा नेपाल कम्युनिष्ट पार्टी नेकपाका प्रदेश कमिटी सदस्य मृत्युञ्जयकुमार झाले मदन भण्डारी कै विचारले नेपालमा कम्युनिष्ट आन्दोलनले सफलता प्राप्त गरेको बताए । उनले भण्डारीद्वारा प्रतिपादित सिद्धान्त ‘जनताको बहुदलीय जनवाद’ ले नै नेपाली कम्युनिष्ट आन्दोलनलाई लोकतान्त्रिकरण गरेको उल्लेख गरे । उनले भण्डारीकै बिचारको जगमा नेकपाले मुलुकमा बहुमतको सरकार सञ्चालन गरिरहेको बताए ।

बृक्षारोपण कार्यक्रममा नेकपा प्रदेश कमिटी सदस्य बाबुराम कार्की र जिल्ला कमिटी सचिवालय सदस्य महेश भट्टराइले विषेश गरेर खाली जमिनमा बृक्षारोपण गरि फलफुल, जडिबुटी, घाँस÷पात, काठ÷दाउरामा जनतालाई आत्मनिर्भर बनाउन, बाढी पहिरोको जोखिम नियन्त्रण एवम् वातारण सुधारका लागि अभियानका रुपमा आइतबारबाट जिल्ला व्यापी बृहतरुपमा बृक्षारोपण अभियानको सुरुवात गरेको बताए ।

हरियाली र वातावरण सुधारका निम्ती आइतबारबाट कटहरीमा अभियानका रुपमा बृक्षारोपण सुरु गरेको र यो अभियान निरन्तर सञ्चालन हुने नेकपा जिलला कमिटी सदस्य तथ कटहरी गाउँ कमिटीका अध्यक्ष जितनारायण सरदारले जानकारी दिए । उनले बृक्षारोपणमा नेकपाका नेता, कायकर्ता, र सवै पार्टी सदस्यहरुको सहभागिता रहेको बताए ।

Featured