देश

कोरोनाबाट मृत्यु भएका कैलालीका पुरुषको शव व्यवस्थापन

डडेल्धुरा, १३ असार-चितवनको भरतपुर अस्पतालमा मृत्यु भएका कैलालीको गोदावरी नगरपालिका-७ का ५० वर्षीय पुरुषको शव व्यवस्थापन गरिएको छ । भरतपुरको नेपाली सेनाको कालीबहादुर गणको टोलीले मृतक पुरुषको शव व्यवस्थापन गरेको हो आफन्तको उपस्थितिमा शव भरतपुर महानगरपालिका-१ स्थित वागेश्वरी जंगलमा गाडिएको छ । कैलालीको गोदावरी नगरपालिका ति पुरुषको भरतपुर अस्पतालको आईसीयूमा उपचारको क्रममा शनिबार बिहान ७ बजे मृत्यु भएको थियो ।

उनी ७ महिना अघिदेखि फोक्सोको क्यान्सरसँग लडिरहेका थिए । मृतक पुरूष भारतमा फोक्सोको क्यान्सरको उपचार गराएर १ महिना अघि घर फर्किएका थिए । ४ पटक केमोथेरापीसमेत लगाएका थिए। मृतकको खकारमा रगत देखा पर्ने, ज्वरो आउने र श्वासप्रश्वासमा समस्या देखिने समस्या रहेको अस्पतालका वरिष्ठ फिजिसियन डा. प्रमोद पौडेलले जानकारी दिए ।

स्वास्थ्यमा समस्या देखिएपछि धनगढीमा उपचार सम्भव नभएपछि असार १० गते चितवन मेडिकल कलेजमा लगेर उनको आइसोलेसन वार्डमा उपचार शुरू गरिएको थियो । कोरोना परीक्षण गर्दा बिहिवार पोजिटिभ देखिएपछि सोहि दिन नै उनलाई भरतपुर अस्पतालको आइसोलेसन ल्याइएको थियो ।

Featured