देश

चट्याङ लागेर दुई र एम्बुलेन्स दुर्घटनामा १ जनाको मृत्यु

विराटनगर, असार ११–प्रदेश–१ मा आज चट्याङ लागेर २ जनाको मृत्यु भएको छ । आज बिहानदेखि परेको पानी तथा चट्याङले मोरङको सुनबर्षी नगरपालिकाका एक जना र उदयपुरको त्रियुगा नगरपालिकामा १ जना गरी दुईजनाको मृत्यु भएको प्रहरीले जनाएको छ ।

आज दिउँसो पौने २ बजे परेको चट्याङले लागेर मोरङको सुनवर्सी नगरपािलका ५ रमनपुर टोलका ७० बर्षिय महादेवलाल दासको मृत्यु भएको हो । खेतमा धान रोपिरहेको अवस्थामा अविरल वर्षासंगै परेको चट्याङ लागेर उनको घट्नास्थलमै मृत्यु भएको मोरङ प्रहरीले जनाएको छ ।

यस्तै उदयपुरको त्रियुगा नगरपालिका १३ असारी बस्ने ४५ बर्षीय कानन चौधरीको समेत चट्याङले लागेर मृत्यु भएको छ । आज बिहान साढे ८ बजे खेतमा काम गरिरहेका चौधरी बर्षासंगै परेको चट्याङबाट घाईते भएका थिए ।उनको जिल्ला अस्पताल उदयपुरमा उपचारको क्रममा मृत्यु भएको १ नम्बर प्रदेश प्रहरी कार्यालयले जनाएको छ ।

उता ओखलढुंगाको लिखु गाँउपालिका ६ गाम्नाङटारमा एम्बुलेन्स दुर्घटना हँुदा चालकको घट्नास्थलमै मृत्यु भएको छ । मृत्यु हुनेमा ओखलढुंगा लिखु–४ का २२ बर्षिय सुदर्शन खत्री रहेका छन ।

आज बिहान प्रदेश नम्बर ३–०१–००२ झ ५११५ नम्बरको एम्बुलेन्स बिरामी लिनका लागी लिखुबाट गाम्नाङटारतर्फ जाँदै गर्दा अनियन्त्रित भई कात्तिक भिरबाट २ सय मिटर तल खसी दुर्घटना हुँदा चालक खत्रीको घटनास्थलमै मृत्यु भएको प्रहरीले जनाएको छ । दुर्घटना भएको एम्बुलेन्स लिखु गाउँपालिकाको रहेको जनाइएको छ ।

Featured