विदेश

विश्वभर अक्सिजन अभाव भएको डब्लुएचओको चेतावनी

Michael Ryan, left, Executive Director of WHO's Health Emergencies programme, sitting next to Tedros Adhanom Ghebreyesus, right, Director General of the World Health Organization (WHO), addresses a press conference about the update on COVID-19 at the World Health Organization headquarters in Geneva, Switzerland, Monday, Feb. 24, 2020. (Salvatore Di Nolfi/Keystone via AP)

एजेन्सी, असार ११-विश्व स्वास्थ्य संगठन (डब्लुएचओ) ले संसारभरमा कोरोना संक्रमितको संख्या एक करोड हाराहारीमा पुग्न लाग्दा अक्सिजन कन्स्ट्रेटर (अक्सिजन दिने मेशिन) अभाव भइरहेको जनाएको छ ।

डब्लुएचओका महानिर्देशक टेड्रोस एडहानोम गेहब्रेससले एक पत्रकार सम्मेलनका क्रममा भने, ‘केही देश अब अक्सिजन कन्स्ट्रेटर मेशिनको अभावको सामना गरिरहेका छन् । यो समयमा यो मेशिनको माग आपूर्तिभन्दा बढी भएको छ ।’

उनले अहिलेसम्म विश्वमा करिब ९५ लाख मानिस संक्रमित भइसकेको र ४ लाख ८४ हजारभन्दा बढीको मृत्यु भइरहेको भन्दै हरेक सातामा १० लाख संक्रमित भइरहेको बताएका छन् ।

उनले संक्रमितको संख्या बढ्दोमात्रामा रहेका कारण प्रतिदिन ८८ हजारभन्दा बढी अक्सिजन सिलिन्डर र ६ लाख २० हजार क्युबिक मिटर अक्सिजन आवश्यक परिरहेको जानकारी दिए ।

उनले संक्रमितको संख्यामा अचानक वृद्धि भएका कारण अक्सिजन कन्स्ट्रेटरको कमी भइरहेको बताए । उनले भने, ‘विश्व स्वास्थ्य संगठन (डब्लुएचओले अहिलेसम्म १४ हजार अक्सिजन कन्स्ट्रेटर किनेको छ र आगामी साता १२० देशमा पठाउने योजना छ । अझै १० करोड डलरको मेशिन किन्ने तयारीमा छौं ।’

विश्व स्वास्थ्य संगठनका आपतकालीन टिमका प्रमुख डा.माइक रियानले केही ल्याटिन अमेरिकी देशमा अझै कोरोना कहर बढ्ने र मृत्यु हुनेको संख्या अझै थपिने बताएका छन् । उनले कतिपय देशमा पछिल्लो एक सातामा २५ देखि ५० प्रतिशतसम्म बिरामी बढेको जानकारी दिएका छन्।

Featured