देश

कर्णाली प्रदेशसभाको बैठक अवरुद्ध

सुर्खेत, १० असार-कर्णाली प्रदेशसभाको छैठौँ अधिवेशनको २१ औँ बैठक प्रतिपक्षी दल नेपाली कांग्रेस अवरोध गरेपछि स्थगित भएको छ । बैठक प्रारम्भ प्रदेशसभा सभामुख राजबहादुर शाहीले आर्थिक मामिला तथा योजना मन्त्रालयले ल्याएको बजेटमाथिको छलफल गर्न आह्वान गरेलगत्तै प्रतिपक्षी दल नेपाली कांग्रेस संसदीय दलका नेता जीवनबहादुर शाहीले आर्थिक मामिला तथा योजना मन्त्रालयले बजेटमाथि केही प्रश्न उठाउँदै कर्णाली योजना आयोगले ल्याउने विकासका वार्षिक कार्यक्रम ल्याउनु पर्नेमा मन्त्रालय किन ल्याएको भनेर प्रश्न गरेका थिए ।

‘वार्षिक विकास कार्यक्रम कर्णाली योजना आयोगले ल्याउनु पर्ने हो । किन मन्त्रालयले ल्यायो’ उनले भने, ‘कि कर्णाली विकास आयोग खारेज गरौँ ।’ बजेटमा पूँजीगत खर्च र साधारण खर्च बजेटमा नआएकोले संसद चल्न नसक्ने नेता शाहीले बताए । ‘कुनै रकम मिलाएको छैन्’ उनले भने,‘पुँजीगत र चालु खर्च स्पष्ट लेखेर ल्याउनु पर्छ ।’

बजेटमा रहेका वार्षिक योजनाहरु नभएको ती कार्यक्रमहरु कर्णाली योजना आयोगले ल्याउन माग शाहीले माग गरे । ‘वार्षिक विकास कार्यक्रम योजना आयोगले ल्याउनुपर्छ’ उनले भने, ‘मन्त्रालय वार्षिक बजेटको अंकसहित आउनुपर्छ ।’

नेता शाहीले रित नपुगेका वजेटमाथि छलफल हुन नसक्ने बताए । ‘प्रक्रिया नमिलेर ल्याएको वजेट किताव छलफल हुनै सक्दैन्’ उनले भने । प्रतिपक्षले प्रश्न उठाएपछि आधा घण्टा स्थगित भएको प्रदेशसभाको बैठक यो समचार तयार पारुन्जेल संचालन भएको छैन् ।

Featured