देश

विराटनगर महानगरको बजेट ३ अर्ब ३७ करोड

विराटनगर, असार १०-विराटनगर महानगरले आगामी आर्थिक वर्ष २०७७÷२०७८ का लागि ३ अर्ब ३७ करोड ८१ लाख १० हजारको अनुमानित आय–व्ययसहितको बजेट ल्याएको छ । महानगरेको छैंटौं नगरसभामा चालु आर्थिक वर्षको तुलनामा २२ प्रतिशत न्यून बजेट प्रस्तुत गरिएको हो । महानगर उपप्रमुख इन्दिरा कार्कीले नगरसभामा प्रस्तुत गर्नु भएको बजेटमा भौतिक पूर्वाधार लगायत पूँजीगत खर्चतर्फ १ अर्ब ७१ करोड ६५ हजार बजेट बिनियोजन गरिएको छ ।

महानगरको प्रशासनिक खर्चतर्फ ३४ करोड १९ लाख ५० हजार, सामाजिक सुरक्षातर्फ ३६ करोड, वातावरण तथा फोहोर मैला व्यवस्थापनतर्फ ११ करोड ४९ लाख ५० हजार, नगरस्वास्थ्यतर्फ १९ करोड ५७ लाख ९५ हजार, शैक्षिक विकास कार्यक्रमतर्फ ५६ करोड १३ लाख ५ हजार, महिला बालबालिका एवं यूवा विकास तथा खेलकुदतर्फ २ करोड ९ लाख २४ हजार र अन्य कार्यक्रमतर्फ ६ करोड ५२ लाख २१ हजार खर्च हुने अनुमान गरिएको छ ।

खर्चको स्रोतका लागि महानगरले आन्तरिक आयतर्फ ८९ करोड ८२ लाख ९६ हजार ७ सय, संघीय सरकार तथा प्रदेश सरकारबाट प्राप्त हुने राजश्व बाँडफाँडतर्फ ७६ करोड ८२ लाख ५२ हजार ९४० र वित्तिय समानिकरणतर्फ ३८ करोड ७ लाख ६८ हजार, संघीय सरकार सर्शत अनुदानतर्फ १ अर्ब २ करोड ९ लाख, प्रदेश सरकार शसर्त अनुदानतर्फ प्राप्त हुने २ करोड १० लाख ९ हजार १८०, संघीय सरकार विशेष अनुदान १३ करोड, प्रदेश सरकार समपुरक अनुदान ३ करोड, वैदेशिक र अन्य संघसंस्था अनुदानतर्फ ३ करोड २६ लाख १८० र जनसहभागिताबाट ९ करोढ ६२ लाख ५ हजार रुपिँयाको आम्दानीको अनुमान गरेको छ ।

Featured