विदेश

झडपको ७ दिनपछि चीनसँग झुक्यो भारत

Jammu and Kashmir, Jan 26 (ANI): Army Jawans patrolling near the snow-covered border on the occasion of 71st Republic Day in Kupwara on Sunday. (ANI Photo)

एजेन्सी, असार ९-भारत र चीनका सेनाबीच गत १५–१६ जुनमा हिंसात्मक झपडपछि दुवै देश सो क्षेत्रमा शान्ति कायम गर्न तयार रहेको समाचार भारतीय सञ्चारमाध्यमले सार्वजनिक गरेका छन् ।

पाकिस्तानसहित अन्य देशसँगको सीमा विवादमा आक्रामक रवैया अपनाउने भारत चीनसँगको सीमा विवादमा भने झुकेको टिप्पणी भइरहेका बेला सो क्षेत्रबाट सैनिक फिर्ता गर्ने सहमति भएको हो । लद्दाखस्थित गलवान घाँटीमा भएको हिंसात्मक झडमा भारतका २० जना सैनिक मारिएपछि सो क्षेत्रमा तनाव बढ्ने अनुमान गरिएको थियो ।

मंगलबार भारतीय स्थल सेनाप्रमुख मनोज मुकुन्द नरवणे लेहको भ्रमणका लागि दिल्लीबाट प्रस्थान गरेका छन् । सोमबारमात्रै भारत र चीनका सैनिकबीच लेफ्टिनेन्ट जनरल स्तरको दोस्रो बैठक माल्डोमा भएको थियो ।

लेहमा सेना प्रमुख नरवणेले सो क्षेत्रको सुरक्षा अवस्थाबारे जानकारी लिने तथा सेनाको १४ कर्प्सका अधिकारीसँग बैठकमा भएको प्रगतिका बारेमा छलफल गर्नेछन् ।

यसअघि उनले सोमबार सेनाका कमाण्डरसँगको बैठकमा लद्दाख, अरुणाञ्चल प्रदेश, उत्तराखण्ड र हिमाञ्चल प्रदेशमा सीमा विवादबारे जानकारी लिएका थिए । सैनिक कमाण्डरको बैठक मंगलबार पनि जारी रहनेछ ।

१५ जुनको रात गलवानको हिंसात्मक झडपपछि सोमबार भारत र चीनका सेनाबीच ११ घन्टा लामो बैठक भएको थियो । सो बैठकमा भारतले चिनियाँ सेनासँग पेन्गोङ त्सो इलाकाबाट चिनियाँ सेना हटाउन माग गरेको थियो । भारतीय सैनिक कमाण्डरले गलवानमा भएको हिंसात्मक झडपप्रति निराशा व्यक्त गरेका थिए ।

सो झडपका क्रममा चिनियाँ सेनाका दुई जना मारिएको स्वीकार गरेको भारतीय सञ्चारमाध्यमले दाबी गरेका छन् । यसअघि ४० भन्दा बढी चिनियाँ सेना मारिएको दाबी गरेका थिए ।

Featured