विदेश

पाकिस्तानमा लगातार ३ वटा बम बिस्फोट

एजेन्सी, असार ७-पाकिस्तानको सिन्ध प्रान्तमा शुक्रबार भएका ३ वटा बम बिस्फोटनबाट २ सैनिकसहित ४ जनाको मृत्यु भएको छ ।स्थानीय सञ्चार माध्यमका अनुसार सिन्धुदेश क्रान्तिकारी सेना नामको विद्रोही समूहले ती बिस्फोटको जिम्मेवारी लिएको छ ।

एउटा बिस्फोट  सिन्ध प्रान्तका राजधानी कराँचीमा भएको थियो । उक्त आक्रमणमा १ सर्वसाधारण र अर्धसैनिक बलका सदस्यको मृत्यु भएको थियो । घटनामा थप ८ जना घाइते भएका थिए । अर्को बिस्फोटमा घोट्की जिल्लामा भएको थियो । जसमा २ सैनिकको ज्यान गएको छ । तेस्रो बिस्फोट सिन्ध प्रान्तकै लर्काना जिल्लामा भएको छ । त्यसमा भने कुनै मानवीय क्षति भएको छैन ।

Featured