देश

आज थपिए ४२१ संक्रमित, संक्रमितको संख्या ९ हजार नाघ्यो

काठमाडौं, ७ असार-आइतवार उपत्यकाका १ जनासहित ४२१ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयको नियमित पत्रकार सम्मेलनमा ललितपुरका १ जनासहित देशभर ३३१ जनामा कोरोना भाइरस संक्रमण देखिएको प्रवक्ता डा. जागेश्वर गौतमले जानकारी दिए ।

आज थपिएका ६४ महिला र ३७५ जना पुरुष छन् । योसँगै नेपालमा कोरोना संक्रमितको संख्या ९ हजार २६ जना पुगेको छ । मन्त्रालयका अनुसार कोशी अस्पतालको प्रयोगशालामा गरिएको परीक्षणमा ११ जना, विराटनगरमा ४ जना, जनकपुरमा १२ र वीरगंज अस्पतालको प्रयोशालामा ३ जनामा कोरोना संक्रमण भेटिएको छ ।

त्यस्तै टेकुमा गरिएको परीक्षणमा १६९ जना, धुलिखेल अस्पतालमा ४९ जना, पोखरा अस्पतालमा ३५ जना, रुपन्देहीको प्रयोगशालामा २९ जना र भेरी अस्पताल नेपालगंजमा ७ जना नयाँ संक्रमित थपिएका छन् ।

मन्त्रालयका अनुसार राप्ती स्वास्थ्य बिज्ञान प्रतिष्ठान दाङमा गरिएको परीक्षणमा ११ जना, सुर्खेत अस्पतालमा ९ जना र सेती अस्पतालको प्रयोगशालामा ६९ गरी ४ सय २१ जनामा संक्रमण पुष्टि भएको हो ।

Featured