देश

कर्णालीमा थप ११ कोरोना संक्रमित, संक्रमितको संख्या १२५६ पुग्यो

सुर्खेत, ७ असार-कर्णालीमा आइतबार ११ जनामा कोरोना संक्रमित थपिएका छन् । प्रदेश अस्पताल, पशुपक्षी रोग अन्वेषण प्रयोगशाला सुर्खेत तथा राप्ती स्वास्थ्य विज्ञान प्रतिष्ठान दाङमा गरिएको परीक्षणमा ११ जना संक्रमित फेलापरेका हुन् ।

कर्णाली प्रदेश सामाजिक विकास मन्त्रालयअन्तर्गतको स्वास्थ्य महाशाखाका अनुसार प्रदेश अस्पताल, पशुपक्षी रोग अन्वेषण प्रयोगशाला सुर्खेतमा १० जना र राप्ती स्वास्थ्य विज्ञान प्रतिष्ठान दाङमा गरिएको परीक्षणमा १ जनामा कोरोना संक्रमण देखिएको हो ।

प्रदेश अस्पताल, पशुपक्षी रोग अन्वेषण प्रयोगशाला सुर्खेत  गरिएको परीक्षणमा सुर्खेतका २, सल्यानका ६ र दैलेखका १ जनामा कोरोना संक्रमण देखिएको कर्णाली प्रदेश सामाजिक विकास मन्त्रालयअन्तर्गतको स्वास्थ्य महाशाखाका प्रमुख डा. लक्ष्मीनारायण तिवारीले बताए । त्यस्तै, राप्ती स्वास्थ्य विज्ञान प्रतिष्ठान दाङमा गरिएको परीक्षणमा रुकुमपश्चिमका १ जनामा कोरोना संक्रमण देखिएको डा. तिवारीले बताए ।

कर्णालीमा यससँगै कोरोना संक्रमित १ हजार २ सय ५६ पुगेका छन् । त्यस्तै, प्रदेश अस्पताल सुर्खेतमा ३ जना, दैलेखमा ७ जना, सल्यानमा ३ जना र जाजरकोटमा १ गरी १४ जनाले कोरोना संक्रमण जितेको डा. तिवारीले जानकारी दिए । यससँगै कर्णालीमा कोरोना जित्नेको संख्या ५ सय ३१ पुगेको छ ।

Featured