देश

रतुवामाईको बालुबारीमा बोर्डर आउट पोष्ट स्थापना

विराटनगर, असार ६–मोरङको रतुवामाई नगरपालिका वडा नं. २ डोरीया स्थित भारतीय सीमा क्षेत्रमा शसस्त्र प्रहरीको बोर्डर आृट पोष्ट(विओपि) स्थापना भएको छ । सो वडाको डोरीया स्थित बालुबारीमा स्थापना गरिएको बिओपिको रतुवामाई नगरपालिकाका नगर प्रमुख रवीन राई र शशस्त्र प्रहरी बल नेपाल १ नं. बराह बाहिनीका बाहिनीपति शसस्त्र प्रहरी नायव महानिरिक्षक नगेन्द्रबहादुर थापाले संयुक्त रुपमा उदुघाटन गरेका छन् ।

कार्यक्रममा बोल्दै नगर प्रमुख रविन राईले बिओपि स्थापना सँगै सिमाक्षेत्रमा हुने अवैधानिक क्रियाकलापहरुको नियन्त्रण नियमनमा सहयोग पुग्नुका साथै शन्ति सुरक्षामा बलपुग्ने बताए । उनले कुनै समयमा सीमा क्षेत्रमा असुरक्षाका कारणले सो क्षेत्रका वासिन्दाहरु आफ्नो वसोवासनै छाडेर जानुपर्ने अवस्था रहेको र हाल शसस्त्र प्रहरी बल बोर्डर आउटपोष्ट स्थापना भएपछी सिमा क्षेत्रका वासिन्दाहरुले सुरक्षीत महसुस गर्ने विश्वास व्यक्त गरे ।

उनले सीमा क्षेत्रको सुरक्षाका लागि नगरपालिकाले सडकसमेत निर्माण गरिरहेको बताए । कार्यक्रममा शशस्त्र प्रहरी बल नेपाल १ नं. बराह बाहिनीका बाहिनीपति शसस्त्र प्रहरी नायव महानिरिक्षक नगेन्द्रबहादुर थापाले सीमा क्षेत्रको सुरक्षाको लागि प्रत्येक साढे ३ किलोमिटरमा बोर्डर आृट पोष्ट स्थापना गरिने बताए । उनले स्थानीय जनताको व्यवहारिकतालाई बुझ्दै सीमाको सुरक्षामा खटिन शसस्त्र प्रहरीलाई निर्देशन दिए ।

कार्यक्रममा पोष्ट स्थापनाको निम्ती निशुल्क जग्गा उपलब्ध गराउने जगगादाता सनातन राजवंशीलाई दोसल्ला ओढाएर सम्मान समेत गरिएको छ । उनले बोर्डर आउट पोष्ट बिओपिका लागि ८ कठा ४ धुर जग्गा निशुल्क उपलब्ध गराएका हुन् । पोष्टको भौतिक पूर्वाधार लगायतको निर्माणमा रतुवामाई नगरपालिकाले सहयोग गरेको हो । बिओपीमा सशस्त्र प्रहरी निरिक्षकको कमाण्डमा ३५ जना शसस्त्र प्रहरीको दरबन्दी रहने जनाइएको छ ।

Featured