देश

संविधान शंसोधन गरिएकोमा पुष्पलाल चोकमा दिप प्रज्वलन

विराटनगर, जेठ ३१–प्रतिनिधिसभाले निसान छापमा नेपालको नयाँ राजनीतिक नक्सा प्रयोग गर्ने विधेयक पारित गरेपछि देशभर खुसीयाली मनाइएको छ । निशान छापमा नयाँ नक्सा राख्न संसदमा प्रस्तुत भएको संशोधन विधेयक सर्वसम्मतिले पारित भएपछि विराटनगरमा पनि खुशियाली मनाइएको हो ।

प्रदेश १ को राजधानी विराटनगरमा स्थित पुष्पलाल चोकमा पनि दिप प्रज्वलन गर्दै खुशियाली मानाइएको हो । दिप प्रज्वलन कार्यक्रममा स्थानीय बुद्धिजिवि, समाजसेवी, युवा, विद्यार्थीलगायत सयौँको उपस्थिती रहेको थियो ।

दिप प्रज्वलनमा स्थानिय समाजसेवि गोपाल कट्वाल, युवा नेता नवराज नेपाल (टुप्पि) समाजसेवि तया परिवर्तनका लागि हातेमालो विराटनगरका अध्यक्ष तथा युवा नेता विनोद चाहार, राष्ट्रिय युवा संघ मोरङका उपध्यक्ष किशोर भट्टराइलगायतको उपस्थिती रहेको थियो ।

प्रतिनिधिसभाको बैठकमा उपस्थित २ सय ५८ जना सांसदहरुले संविधान संशोधन विधेयकको पक्षमा मतदान गरेका थिए । लिम्पियाधुरा, कालापानी र लिपुलेक क्षेत्र समेटिएको नेपालको नयाँ राजनीतिक नक्सालाई शनिबार निशान छापमा प्रयोग गर्ने सम्बन्धी विधेयकलाई प्रतिनिधिसभाले सर्वसम्मत पास गरेको हो ।

Featured