देश राजनीति

गुमेको भूभाग फिर्ता लिने प्रकियाको नयाँ चरणमा आयौँ : प्रचण्ड

काठमाडौं, ३१ जेठ-सत्तारूढ नेकपाका अध्यक्ष पुष्पकमल दाहाल प्रचण्डले गुमेको भूभाग फिर्ता लिने सम्वन्धमा नेपाल नयाँ चरणमा प्रवेश गरेको बताएका छन् । शनिबार नेपालको गुमेको भू-भाग राखेर निशान छाप परिवर्तन गर्नको लागि गरिएको संविधान संशोधनको दोस्रो प्रस्तावको दवाफार छलफलको क्रममा उनले यस्तो बताएका हुन् ।

अहिले संसदबाट हुन थालेको सर्वसहमत निर्णयले जनतालाई खुसी तुल्याएको बताएका छन् । राष्ट्रिय स्वाधिनता र अखण्डतालाई सुदृढ गर्न अभियान सुरु गरिएको उनले बताए । यो कार्यमा पार्टी विशेष र नेता विशेषलाई जस अपजस दिन नहुने बताएका बताए छन् ।

अहिले सुरु गरिएको अभियान नेपालको ऐतिहासिक अभियान सफल पार्ने कार्य भएको बताएका छन् । लिपुलेक, कालापानी, लिम्पियाधुरालगायतका क्षेत्र भारतले समेत विवादमा छ भनेर स्वीकारेको विषयमा आफ्नो राजनीतिक नक्सामा पार्नुले नेपाललाई यो अभियानमा जान थप बाटो खुलेको बताएका छन् । उनले भारतले नक्सा प्रकाशित गर्दा नेपालसँग परामर्श नगर्नु गल्ती भएको बताएका हुन् ।

प्रचण्डले सर्वसम्मतिले पारित हुनु भनेको भारतसँग दूरी बढाउनु नभइ समस्या समाधानका लागि थप घच्घच्याउनु रहेको बताए । राजनीतिक स्वार्थका निम्ति राष्ट्रिय सम्वेदनशील विषयमा आफूहरू खेलवाड नगर्ने उल्लेख गर्दै भारत सरकारलाई नेपाली जनताको सम्वेदनशीलतालाई बुझ्न आग्रह गरे । उनीले विश्वलाई फेरि एक पटक राष्ट्रियताका मुद्दामा नेपाल एकजुट हुन्छ भन्ने सन्देश दिएको बताए ।

Featured