देश राजनीति

पूर्वमन्त्री पण्डितको पहलमा मोरङ–६ मा करोडौँको योजना बजेटमा समावेस

विराटनगर, जेठ २८–निर्वाचनका समयमा आफु निर्वाचित भएपछी कहिल्यै निरास नबनाउने जनतामाझ प्रतिवद्धता जनाएका पूर्वमन्त्री तथा मोरङ क्षेत्र नं. ६ का सांसद लालबाबु पण्डितको पहलमा करोडौँको योजना बजेटमा समावेस भएको छ । सांसद पण्डितको निर्वाचन क्षेत्रमा आर्थिक वर्ष २०७७/०७८ का लागि सरकारले ल्याएको बजेटमा करोडौँको योजना समाबेस भएको हो । सो निर्वाचन क्षेत्र अन्तर्गत, पर्यटन, वन, सडक, शहरी विकास, नदी नियन्त्रण र खानेपानी लगायतका योजनामा करोडौँ बजेट समावेस गरिएको हो ।

पण्डितको निर्वाचन क्षेत्र मोरङ–६ अन्तर्गत पर्यटन तर्फ बुढीगंगा गाउँपालिका–१ स्थित पुष्पलाल चोकमा ब्रम्हकुमारी राजयोग मन्दीरका लागि ५ लाख, सोही वडाको ओम शान्ती सामुदायीक भवनका लागि ५ लाख, शुन्दरहरैँचा नगरपालिका–३ मा राणाकालिन मन्दिर पर्यटन पूर्वाधारमा २ लाख ६५ हजार, सोही वडाको शेषनारायण विद्याधाम पूर्वाधारका लागि ६ लाख ३५ हजार रुपैयाँ बजेट बिनियोजन भएको हो ।

त्यसैगरी शुन्दरहरैँचा–५ स्थित बृन्दावन ऋषि पार्कका लागि ५ लाख, हसिना सिमसार पूर्वाधारमा ५ लाख, विराटनगर–४ स्थित राजवंशी समाज संग्राहलयका लागि ५ लाख ३ु० हजार र सोही वडाको लक्ष्मिनारायण पर्यटन पूर्वाधारमा ५ लाख रुपैयाँ बजेट बिनियोजन भएको नेकपा १ नं. प्रदेश कमिटी सदस्य जानकारी दिए ।

त्यसैगरी वन तर्फ मोरङ सुनसरी जोड्ने बुढीनदी प्रणालीका लागि २ करोड ३ लाख बजेट बिनियोजन भएको छ । सडक पूर्वाधार तर्फ हसिना सिमसार जाने बुढीखोला पुलका लागि ४७ लाख ५० हजार, सिंघियापुल–तेतरीया–दुहवी–मोतीपुर सडकमा ४७ लाख ५० हजार, सिंघिया अधुरो पुलमा ४७ लाख ५० हजार, गाकुवा घाट ४७ लाख ५० हजार, सिंघिया–गोकुवाघाट सडकमा ४७ लाख ५० हजार, सिंघियापुल–गोकुवाघाटमा थप २० लाख, गछिया चोकदेखि मृगौलिया बजारहुँदै हरैँचा जोड्ने सडकका लागि ४० लाख, शुन्दरहरैँचा–४ हुलाकी मार्ग जोड्ने सडकमा ४० लाख र शुन्दरहरैँचा–६ स्थित जागृती मार्गहुँदै जलेवी चोक सडकमा ४० लाख रुपैया बजेट बिनियोजन भएको नेकपा प्रदेश कमिटी सदस्य चौधरीले बताए ।

नेता चौधरीका अनुसार शहरी विकास अन्तर्गत विराटनगरको एबि प्लटमा भ्युटावरसहितको पार्किङ योजनाका लागि ५० लाख, विराटनगर–६ केशलिया रोडसम्मको सडकका लागि ५० लाख, विराटनगर–११ जनपथ तथा स्वागत मार्गमा ५० लाख र विराटनगर कोचाखालदेखि शान्तिचोकहुँदै केशलिया सिटी सडक सुधारमा ४० रुपैयाँ बजेट बिनियोजन भएको छ ।

नदी नियन्त्रणमा बुढीगंगा र विराटनगर स्थित केशलिया नदी नियन्त्रणका लागि २ लाख । खानेपानि अन्तर्गत टंकिसिनुवारी, शुन्दरपुर, विराटनगर–४ जामुनगाछी, गछिया, सलकपुर, त्रियुगा, हात्तिमुढा र शिसवनी बड्हरा खानेपानी योजनामा २ कारोड रुपैयाँ बजेट बिनियोजन भएको नेता चौधरीले बताए ।

Featured