देश

देशभर आज थपिए २७९ कोरोना संक्रमित, हालसम्म ४ हजार ३६४ संक्रमण पुष्टि

काठमाडौं, २८ जेठ-नेपालमा थप २ सय ७९ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमले गत २४ घण्टाको अवधिमा देशका विभिन्न प्रयोगशालामा गरिएको परीक्षणमा थप २ सय ७९ जनामा कोरोना संक्रमण देखिएको जानकारी दिएका हुन् ।

उनका अनसार थपिएका संक्रमितमध्ये २५७ पुरुष र २२ जना महिला रहेका छन् । योसँगै नेपालमा संक्रमिको संख्या ४ हजार ३ सय ६४ पुगेको छ । जसमध्ये ४ हजार ५५ जना पुरुष रहेक छन् भने ३ सय ९ जना महिला रहेका छन् ।

पीसीआर विधिबाट २४ घण्टाको अवधिमा ४ हजार ४ सय १४ नमुनाको परीक्षण गरिएको छ । ६ हजार ७ सय २२ जनाको आरडीटी विधिबाट परीक्षण गरिएको छ ।

स्वास्थ्य मन्त्रालयको पछिल्लो विवरणअनुसार हालसम्म १ लाख १० हजार ७ सय ४४ पीसीआर विधिबाट नमुना परीक्षण गरिएको छ । १ लाख ७२ हजार ८ सय ८० जनाको आरडीटी विधिबाट नमुना परीक्षण गरिएको स्वास्थ्य मन्त्रालयले जनाएको छ ।

Featured