देश

कर्णालीमा संक्रमितको संख्या ४ सय नजिक

सुर्खेत, २२ जेठ-दैलेखमा आज एकै दिन १ सय ५ जनामा कोरोना संक्रमण पुष्टि भएको छ । कर्णाली स्वास्थ्य विज्ञान प्रतिष्ठान, जुम्लाको प्रयोगशालामा गरिएको परीक्षणमा दैलेखका १ सय ५ जनासहित मुगुका १ जना गरी १ सय ६ जनामा कोरोना संक्रमण पुष्टि भएको हो ।

कर्णाली स्वास्थ्य विज्ञान प्रतिष्ठानमा गरिएको परीक्षणमा थपिएका १ सय ६ जनासँगै २ सय १३ जनामा कोरोना संक्रमण पुष्टि भएको प्रयोगशाला प्रमुख विदेक पुनमगरले जानकारी दिएका छन् ।

आज संक्रमण पुष्टि भएका दैलेखको नारायण नगरपालिकाका ६४ जना पुरुष र ५ जना महिला, देवलकाँडाका १२ जना पुरुष, सोतका ९ जना पुरुष, मानटाकुराका ७ जना पुरुष, साडुका २ जना पुरुष भगनीका ५ जना पुरुष र बासकोटका १ जना पुरुष रहेका छन् ।

त्यसैगरी, मुगुको खत्याडका १ जना पुरुषमा पनि कोरोना संक्रमण पुष्टि भएको प्रतिष्ठानले जनाएको छ । योसहित कर्णाली प्रदेशमा संक्रमित हुनेको संख्या ३ सय ८४ पुगेको छ ।

Featured