विदेश

अमेरिकामा ९८ हजारभन्दा बढीको मृत्यु, न्युयोर्कमा १ सयभन्दा कम मृत्यु

एजेन्सी, जेठ ११-अमेरिका कोरोना भाइरसका कारण पछिल्लो २४ घन्टामा १ हजार १२७ जनाको मृत्यु भएको छ । यसका साथै अमेरिकामा कोरोना भाइरसका कारण मृत्यु हुनेको संख्या हालसम्म ९८ हजार ६८३ पुगेको छ ।

सेन्टर फर डिजिज कन्ट्रोलले केही दिनभित्रै अमेरिकामा मृत्यु हुनेको संख्या १ लाख नाघ्ने बताएको छ । अमेरिकामा कोरोना भाइरसका कारण सबैभन्दा बढी नागरिकले ज्यान गुमाएका छन् ।

अमेरिकापछि बेलायतमा सबैभन्दा बढीको मृत्यु भएको छ । बेलायतमा हालसम्म ३६ हजार ६७५ जनाको मृत्यु भइसकेको छ । यसवर्ष मार्चपछि पहिलो पटक अमेरिकाको न्युयोर्कका कोरोना भाइरसका कारण मृत्यु हुनेको संख्या पहिलो पटक १ सयभन्दा कम देखिएको छ । पछिल्लो २४ घन्टामा न्युयोर्कमा ८४ जनाको मृत्यु भएको छ । शनिबार त्यहाँ १०८ जनाको मृत्यु भएको थियो । न्युयोर्क अमेरिकाको सबैभन्दा बढी प्रभावित क्षेत्र हो ।

न्युयोर्कमा कोरोना भाइरस संक्रमितको संख्यामा कमी आएपनि अमेरिकामा संक्रमित अझै बढिरहेका छन् । अमेरिकामा हालसम्म १६ लाख ६६ हजारभन्दा बढी संक्रमित भइसकेका छन् ।

Featured