देश

सीमावर्ती सवै वडा सिल गर्ने रतुवामाईको निर्णय

विराटनगर, जेठ १०–भारतबाट आएका दुई जनामा कोरोना संक्रमणको पुष्टि भएपछी भारतसँग सीमा जोडिएका रतुवामाई नगरपालिकाका सवै वडा सिल गरिएको छ । रतुवामाई नगरपालिकामा शनिबार स्थानीय सुरक्षा निकायका प्रमुखहरुसँगको छलफलपछि नगर क्षेत्रमा कोरोना संक्रमण रोक थाम तथा व्यवस्थापनका लागि हुलाकी राजमार्गदेखी दक्षिणका सवै वडा शिल गर्ने निर्णय नगरप्रमुख रवीन राईले जानकारी दिए।

उनका अनुसार भारतसँग सीमा जोडिएका १, २, ३ र ४ नं. वडामा आगामी जेठ १५ गतेसम्म स्थानीय हाटबजार, सानाठुला सबै प्रकारका पसल÷व्यवसाय, चोक तथा सडक किनारमा किबनबेच हुने सागसब्जीको पसल लगायत सम्पूर्ण कारोवार र आवत जावत पूर्णरुपमा बन्द गरिएको हो ।

त्यस्तै रतुवामाई नगरपालिकाले तोकेका सिजुवा मावि र सौँठा माविका क्वारेन्टाइनमा स्वास्थ्य वस्वस्थापन नगरपालिका कार्यालयले, सुरक्षाको व्यवस्थापन इलाका प्रहरी कार्यालय सिजुवार शसस्त्र प्रहरी बल बेस क्याम्प सौँठाले आपसमा समन्वय गरि सुरक्षाको व्यवस्था मिलाउने समेत निर्णय गरिएको नगरप्रमुख राईले बताए ।

रतुवामाई–१ मा २५ वर्षिय युवक र वडा नं. २ स्थित घर्रु चोकका ४१ वर्षिय पुरुषका कोरोना संक्रमण पुष्टि भएको थियो । नगरप्रमुख राईका अनुसार भारतबाट आएका दुवै जनामा कोरोना संक्रमण पुष्टि भएपछी उनीहरुको विराटनगर स्थित कोशी अस्पताल कोभिड–१९ उपचार केन्द्रमा उपचार भइरहेको र स्वास्थ्य अवस्था सामान्य रहेको छ ।

Featured