खेलकुद विदेश

खेलाडीहरुलाई सानो समूहमा प्रशिक्षण गर्न दिन प्रिमियर लिगका क्लबहरू सहमत

एजेन्सी, जेठ ६-इंग्लिस प्रिमियर लिगका क्लबहरु सानो समूहमा खेलाडीहरुलाई प्रशिक्षण गर्न दिन सहमत भएका छन् । अब प्रिमियर लिगका खेलाडीहरुले ५ जनासम्मको समूहमा प्रशिक्षण गर्न पाउने भएपनि खेलाडीहरुबीच सम्पर्क भने हुन पाउने छैन ।

सम्पर्क बिनै सामाजिक दूरी कायम गरी पाँच खेलाडीसम्मको समूह बनाएर प्रशिक्षण गर्न गर्न क्लबहरु सहमत भएका हुन् । मंगलबारदेखि क्लबहरुले सानो समूहमा प्रशिक्षण सुरु गर्नेछन् । हालसम्म खेलाडीहरुले व्यक्तिगत प्रशिक्षण गर्दै आएका थिए ।

कोरोना भाइरसको महामारीका कारण १३ मार्चदेखि प्रिमियर लिगका खेलहरु रोकिएका छन् । बाँकी खेलहरु पूरा गर्नका लागि क्लबहरुबीच निरीक्षण, जिपिएस ट्रयाकिङ्ग, भिडियो एनालिसिससहितका विधिको प्रयोग गरेर क्बलहरुले स्वास्थ्य सम्बन्धी निर्देशनहरु पालन गरे–नगरेको अनुगनम हुने छ ।

सोमबार २० क्लबबीच भएको बैठकमा यस्तो सहमति बनेको हो । आगामी १२ जुनदेखि खेल सुरु गर्ने तयारी रहेपनि केही ढिला हुने देखिएको छ । प्रिमियर लिगमा ९२ खेल बाँकी छन् ।

Featured