देश

मेगा बैंकद्वारा वित्तीय साक्षरता कार्यक्रम संचालन

काठमाडौँ, फागुन २–मेगा बैंक नेपाल लिमिटेडले कालिकोटका विद्यार्थीहरुका लागि वित्तीय साक्षरता कार्यक्रम गरेको छ । कालिकोटको खाडाचक्र नगरपालिकाको ताडीस्थित जनजीवन माध्यमिक विद्यालयका विद्यार्थीका लागि मेगा बैंकले वित्तीय साक्षरता कार्यक्रम संचालन गरेको हो ।

कार्यक्रममा मेगा बैंकका कालिकोट शाखा प्रबन्धक धनराज पौडेलले वित्तीय साक्षरता र वित्तीय जागरण, दैनिक जीवनमा बैंकको महत्व, आर्थिक समृद्धिका लागि बैैंकिङ सेवाको महत्वका साथै मेगा बैंकका बचत तथा कर्जा योजना, बैंकको नेटवर्क, वित्तीय कारोबार, भविष्यको योजना, सुरक्षित बचत, कर्जा तथा विप्रेषणबाट प्राप्त रकमको उत्पादनमूलक लगानी, पारिवारिक बजेट तथा योजना, जोखिम न्यूनीकरणलगायतका विषयमा जानकारी गराएका थिए । कार्यक्रममा विद्यालय व्यवस्थापन समितिका कार्यबाहक अध्यक्ष दानबहादुर विश्वकर्माले विद्यार्थी र शिक्षकहरूलाई वित्तीय जागरण गराइदिएकोमा मेगा बैंकलाई धन्यवाद दिए ।