देश राजनीति

प्रचण्ड पतनको बाटोमा :सांसद राई

विराटगर, फागुन २–नेकपा अध्यक्ष पुष्पकमल दाहालले कांग्रेसका स्व. नेता गिरिजाप्रसाद कोइरालाबारे दिएको अभिव्यक्तिप्रति कांग्रेसका प्रदेश सांसदले आपत्ती जनाएका छन् । शुक्रबार प्रदेशसभा बैठकको शून्य समयमा कांग्रेसका प्रमुख सचेतक सूयर्माराज राईले नेकपा अध्यक्ष प्रचण्ड पतनको दिशामा अघि बढेको टिप्पणी गरेका हुन् ।

‘लोकतान्त्रिक गणतन्त्र, धर्मनिरपेक्षताच, संघीयता र आजको उपलब्धिको आधार तयार गर्ने नेतालाई मान्छे मार्न उक्सायो भनेर तुच्छ भाषा प्रयोग भयो’, उनले भने, ‘भाषा र हर्कत हेर्दा प्रचण्ड पतनको बाटोमा अघि बढे जस्तो देखिन्छ ।’

सचेतक राईले प्रचण्डको भनाइप्रति आपत्ति जनाउँदै बोल्दा विचार र्पुयाउन सुझाव दिए । उनले जनयुद्धका नाममा मारिएका १७ हजार मानिसको रगतको बाछिटा गिरिजाप्रसाद कोइरालालाई छ्याप्ने काम कुनै हालतमा सह्य नहुने बताए । ‘शान्ति प्रकृयाको टुंगो लगाउन शान्ति दूतका रुपमा गिरिजाप्रसाद कोइरालाले काम गर्नुभएको सर्व्विदितै छ’, उनले भने, ‘बरु आफ्नो प्राण रक्षाको लागि उहाँसँग हार गुहार गरेको प्रचण्डले बिर्सनु भएछ ।’

सचेतक राईले गिरिजाप्रसादको फेरो समाएर ज्यानको भीख माग्ने प्रचण्ड आज उनै गिरिजाप्रसादको विषयमा जथाभावी बोल्न थालेको आरोप लगाए । नेकपा अध्यक्ष प्रचण्डले बिहिबार ‘जनयुद्ध’ दिवसका अवसरमा आयोजित कार्यक्रममा जनयुद्धकालमा गिरिजाप्रसाद काइरालाले फौजी आक्रमण गरिदिन आग्रह गर्ने गरेको अभिव्यक्ति दिएका थिए । यसअघि नेपाली कांग्रेसका प्रवक्ता विश्वप्रकाश शर्माले उक्त अभिव्यक्तिप्रति आपत्ती जनाउँदै विज्ञप्ति निकालेका थिए ।