देश

गाउँपालिका अध्यक्ष शाही अपहरणमुक्त

काठमाडौं, पुस ६–नेत्रविक्रम चन्द (विप्लव) नेतृत्वको नेकपाले दैलेखको ठाँटीकाँध गाउँपालिकाका अध्यक्ष धीरबहादुर शाहीलाई अपहरणमुक्त नभई पक्राउ गरेको भन्दै विज्ञप्ति जारी गरेको केही बेरमै सेनाले अध्यक्ष शाहीलाई अपहरणमुक्त गरेको जनाएको छ । विप्लव समूहका कार्यकर्ताले अपहरण गरेको भनिएका शाहीलाई सेनाको हवाई गस्ती टोलीले आइतबार साँझ कालीकोटको जंगलमाबाट भेटेको बताइएको छ ।

शाहीलाई कालिकोटको शुभकालिका गाउँपालिकामा फेला पारिएको सुरक्षा निकायको दाबी छ । विप्लव समूहले प्रेस विज्ञप्ति जारी गरेर घटनाको जिम्मेवारी लिदै अपहरण नभई भ्रष्टाचार अभियोगमा कारबाहीका लागि पक्राउ गरिएको दाबी गरेको थियो । शनिबार राति करिब २ बजे शाही र उनकी पत्नी इला घरमा सुतिरहेकै बेला अपहरणमा परेका थिए । इलालाई केही समयपछि छाडिए पनि शाही भने विप्लव कार्यकर्ताकै नियन्त्रणमा थिए ।

Featured